Сэргогийн өсөлт

2024-04-18
Нийтэлсэн: Админ
 2 мин унших

Ц.ГАЛБАДРАХ

“Polit.mn” сайт “Төрсөн өдөр”  буландаа  Олимпын мөнгөн медальт Пүрэвдоржийн Сэрдамбын тухай онцолж байна.

Тэрээр 1985 онд төрсөн. Монгол Улсаас боксын спортын төрлөөр төрсөн олимпын анхны мөнгөн медальт, Дэлхийн анхны аварга, дэлхийн аваргын анхны хос медальт боксчин.

Онцлох амжилтууд

Олимп:

Мөнгө (Бээжин-2008). 48 кг

Дэлхийн аварга шалгаруулах тэмцээн:

Алт (Милан-2009). 48 кг

Хүрэл (Баку-2011). 48 кг

Дэлхийн оюутны Универсиад наадам:

Алт (Улаанбаатар-2010). 48 кг

Хүрэл (Алма-Ата-2006). 48 кг

Ази тивийн аварга шалгаруулах тэмцээн:

Алт (Улаанбаатар-2007). 48 кг.

Монгол Улсын Гавьяат тамирчин (2008), Хөдөлмөрийн баатар (2009).

Түүний өсөлт

Сэргогийн спорттой, бокстой хувь заяагаа хэрхэн холбосон нь бяцхан түүхтэй. Аав нь хүүгээ спортоор, тэр дундаа бөхөөр хичээллэхийг санал болгосноор мань эр Спортын төв ордныг зорьжээ.

Спорт сургалтын төвд Дашзэвэгийн Ганзориг багштайгаа таарснаар боксын, их спортын гүнж их замд сэтгэл шуудран орсон гэнэм.

Эхэндээ бэлтгэл, сургуулилт, энэ тэр нь яггүй л байсан нь мэдээж. Мөнхүү, сар болгон гурван мянган төгрөгийн төлбөр төлнө гэдэг захын гэр хорооллын борог амьдралтай хүүд амаргүй л даваа. Хагас жил болсон уу, үгүй юу мань эр секцнийхээ төлбөрөөс чөлөөлөгдөх эрхээр шагнуулаад башийх нь тэр.

Бэлтгэлээ тасалдаггүй, бэрхшээл зовлонгоос хойш суухыг мэддэггүй зан чанар нь ийнхүү эзэндээ том хэрэг болжээ. Тэр хэрээр амжилт нь атга чимхээр ахиж, “Олимпын гараа” тэмцээнээс алт, хүрэл хүртэв. Улсын аварга шалгаруулах өсвөр үе, залуучууд, цаашлаад насанд хүрэгчдийн… оролцсон тэмцээн болгоныхоо төгсгөлд шагналын тавцангийн тэргүүн гишгүүр дээр л зогсох гээд байдаг болчхов. Гадагшаа явж, газар газрын шандастнуудтай тулж, дэлхийн оюутны аваргаас хүрэл, Германы “Химийн цом”-оос мөнгө, хүрэл, Чехийн олон улсын тэмцээнээс мөнгөн медалийг нь хамав. Азийн аварга болоотхов. Амжилт ахисаар, Сэрго өссөөр.

“Бээжин-2008” зуны олимпын ринг Пүрэвдоржийн Сэрдамба хэмээх нэгэн нэрийг боксын спортын түүхэнд тодоос тод бичсэн бөлгөө.

Олимпын мөнгөн медальтан маань “Милан-2009” дэлхийн боксын аварга шалгаруулах тэмцээнээр эхлээд гоц мөргөж, дараа нь Словакийн Мирослав Ковачийг 10:3, Бразилийн Паула Кравахог 15:7, Армений Хованес Даниелянийг 6:4, БНХАУ-ын Ли Шизаог 11:7, ОХУ-ын Давид Айрапетяныг 10:5-аар буулган авч дэлхийн аварга хэмээх эрхэм дээд алдрыг монгол “ширэн бээлийтнүүд”-ээс анхалж хүртсэн буй за.

Орос, Европын аварга, армен залуу Давид Айрапетян хоёр жилийн өмнө “Чикаго-2007” дэлхийн аваргаар манай Сэрдамбыг онооны хол зөрүүгээр буюу 34:7-гоор ялж байв.

Аваргын төлөөх тулааны өмнө Сэрго түүнд ялагдаж байснаа дурсахыг хүссэнгүй. Хэрхэн тоглох тухай ч шимтэж тооцсонгүй. Балбана, баараггүй ялна гэдгээ л мэдэрч байв.

Аварга болчихоод төрийн дууллаа эгшиглэхэд хамт дуулах юм шүү гэж бодоо л... Төрийн дууллаа амандаа сэмхэн аялаа л... үгийг нь цээжлээ л... үнэн баавартай.

Бокс бол мулгуу зоригтны хийх ажил биш. Гүйлгээ ухаан, сэргэлэн зан, авхаалж самбаатай хүний л өрсөлдөх тэмцлийн талбар. Дээр нь уйгагүй хөдөлмөр чухлаас чухал. Энэ бүгдийг нэгэн биед хуримлуулан цогцлоож чадсан цагт бааварлахаас өөр яалтай...

"Монголын цуут" /2014/ номоос

Эх сурвалж: www.polit.mn

Хүчирхийлэл, шийтгэл хүүхдийн хөгжилд сөрөг нөлөөтэй

Дөрөвдүгээр сарын 30-ныг  "Хүүхдийг зодож шийтгэхийн эсрэг олон улсын өдөр"

29 мин
Б.Ариунсайхан: Хүн чанартай байж л аливаа бүтээлийг найруулна

 “Зууны мэдээ” сонин ээлжит зочноор найруулагч, жүжигчин Б.Ариунсайханыг урилаа. Тэрээр Солонгос улсад 15 жил амьдарч буй уран бүтээлч юм.

34 мин
Г.Батбаяр: Монгол Улсад сүүлийн 20 жил тохиолдсон хамгийн том гамшиг бол популизм

Олон улсын Ардчилсан холбооны “Монгол Улс ардчиллын баян-бүр

39 мин
Тойргийн “усалгаа” хөдөөгийнхнийг залхаажээ

Зун, наадмын үеэр хот эзгүйрдэг дээ. Бүгдээрээ амраад, агаар салхинд гараад алга бо

44 мин
АН-ын “топ лидерүүд”-ээр тэд тодорчээ

УИХ-ын 2024 оны сонгууль урьд урьдынхаас огт өөр болох шинжтэй.

49 мин
“Жижиг”-үүд “...Намын лого, намын даргын нэр” гэж ярьсан нь сонгогчдын хувьд ч жижиг биш асуудал

Манайхан улс төрийн намуудыг том, жижиг гэж ялгаж ярьдаг. Энэ бо

54 мин
Д.Сүнжид: Т.Чимгээ, Б.Содномдаржаа нар эрүүдэн шүүсний гэм хороо нэхэмжлэх эрхтэй

ХЭҮК-ын дарга Д.Сүнжидтэй цаг үеийн асуудлаар ярилцлаа.

59 мин
Ж.Бат-Эрдэнэ: Ногоон автобусны сонсголд Ж.Сүхбаатар, Д.Сумъяабазар нарыг дуудаж байна

Ж.Бат-Эрдэнэ: Ногоон автобусны сонсголд Ж.Сүхбаатар, Д.Сумъяабазар нарыг дуудаж байна

16 цаг 55 мин
"Г.Батбаяр агсны машинаас гэрээслэл, бичиг баримт олдоогүй"

"Г.Батбаяр агсны машинаас гэрээслэл, бичиг баримт олдоогүй"

17 цаг 0 мин
Элчин сайдын яамдаас мэдээлж байна

НҮБ-ын Хөгжлийн хөтөлбөр, Барилга хот байгуулалтын Яам хамтран “

Өчигдөр 07 цаг 40 мин