Леонардо де Каприо загвар өмсөгч Камилла Морронетой болзов

Х.ОЮУНБОЛД

Жүжигчин Леонардо де Каприо загвар өмсөгч Камилла Морронетой болзож буй нь ил боллоо. Тэд Лос-Анжелест олны өмнө хамт байж харагдсан байна. Өнгөрсөн онд тэднийг хайрын романс үүсгэсэн гэж цуурсан ч Камилла “Бид жирийн найзууд” гэсэн тайлбар өгсөн юм. Тэд болзооныхоо үеэр танигдахгүйн тулд зүсээ хувиргахыг оролджээ. Загвар өмсөгч Камилла Моррено цагаан цамц, жинсэн өмд, бүрх малгай болон намхан өсгийтэй гутал өмссөн байна.  Харин Леонардо де Каприо  малгайтай цамц, спорт гутал өмсч, нарны шил зүүсэн байжээ. Гэсэн ч папарацичид тэднийг таньснаар  Камилла Леонардо де Каприогийн мөрийг нь  үнсч байгаа зургийг авч амжжээ. Энэ зурагны дараа тэд жирийн найзын холбооноос өөр харилцаа байхгүй гэж хэлэхэд хэцүү болж байна.

Эх сурвалж: “Зууны мэдээ” сонин