Фото: “Чадраабалын Лодойдамба” –ын талаар 30 гаруй илтгэл хэлэлцүүлэв

Монголын утга зохиолын нэрт төлөөлөгч, нийгмийн зүтгэлтэн, Төрийн хошой шагналт Чадраабалын Лодойдамбын 100 жилийн ойд зориулсан олон улсын эрдэм шинжилгээний хурал “Туушин” зочид буудлын “Соёмбо” танхимд боллоо. Энэ хурлаар Ч.Лодойдамбын 100 жилийн ойг зохион байгуулах “Чадраабалын Лодойдамба” сангийн тэргүүн, cоёлын гавьяат зүтгэлтэн Б.Галаарид “Монголын нэрт зохиолч, төр нийгмийн зүтгэлтэн Ч.Лодойдамбын соён гэгээрүүлэлтийн үйл хэрэг” үндсэн илтгэлийг тавив. БСШУСЯ, ШУА болон Хэл зохиолын хүрээлэн, “Чадраабалын Лодойдамба” сангийн хамтарсан хуралд эрдэмтэн зохиолчдын 30 гаруй илтгэлийг хэлэлцэж байна. Олон улсын энэхүү хуралд ОХУ-ын эрдэмтэн С.Н.Цеденова, БНХАУ-ын эрдэмтэн Ван Мандуга, Японы эрдэмтэн Абиру Михо, БНСУ-ын эрдэмтэн Зим Ынъ Жөн нар болон доктор, МУСГЗ Д.Цэдэв, доктор С.Байгалсайхан, судлаач зохиолчийн зээ хүү Ц.Баярсүрэн, доктор Ч.Дагвадорж, А.Жамбал нарын олон эрдэмтэн эрдэмтэд илтгэл тавих юм. Олон улсын эрдэм шинжилгээний хурал үргэлжилж байна. Энэ үеэр Ч.Лодойдамбын амьдрал туурвилыг харуулсан гэрэл зургийн үзэсгэлэнг гаргажээ. Мөн Ч.Лодойдамбын шинэ номын нээлтийг хийлээ.

Эх сурвалж:www.polit.mn

Сэтгэгдэл үлдээх

Таны мэйл бусдад харагдахгүй. * Одоор тэмдэглэгддсэн талбаруудыг заавал бөглөнө