Б.ТАМИР

Ардын төр, засгийг үүсгэн байгуулагчдын нэг, цэргийн нэрт гарамгай жанжин Дамдины Сүхбаатарын мэндэлсэн өдрийг тохиолдуулан Дамдины Сүхбаатарын дурсгалын зоосыг Монголбанкнаас танилцууллаа.

Монголбанкнаас эрхлэн гаргадаг дурсгалын зоос нь Монгол Улсыг дэлхийд сурталчлан таниулах төдийгүй түүх соёлоо өвлөн үлдээх зорилго бүхий өргөн утга агуулга, сэдвийн дор дүрслэн бүтээдэг. Энэ хүрээнд төр нийгмийн нэрт зүтгэлтнүүдийн алдар гавьяаг мөнхөлсөн цуврал дурсгалын зоосыг 2017 оноос  гаргаад байна. 2021 оны өнөөдөр /02.02/ Дамдины Сүхбаатарын мэндэлсэн өдрийг тохиолдуулан танилцуулж буй дурсгалын зоос нь 50 грамм жинтэй, 50 мм-ийн хэмжээтэй мөнгөөр бүрсэн зэс зоос бөгөөд 2017 онд анх худалдаанд гаргаж байжээ.

Мөн Монголбанкы Эрдэнэсийн сангаас дурсгалын алт, мөнгө, зэс зоос, алт, мөнгөн гулдмай, үрлэн мөнгийг борлуулж байна. Дэлгэрэнгүй мэдээллийг coin.mongolbank.mn цахим хуудас, 11-329677 утсаар авах боломжтой.

Эх сурвалж: www.polit.mn