С.УЯН

Хичээлийн шинэ жилийн эхний өдөр Ерөнхий сайд У.Хүрэлсүх Нийслэлийн Баянзүрх дүүргийн 147 дугаар сургууль болон хөгжлийн бэрхшээлтэй хүүхдийн сувиллын цэцэрлэг, яслийн 10 дугаар цогцолборын хичээл, сургалттай танилцлаа. Сургуулийн хамт олон КОВИД-19 цар тахлаас урьдчилан сэргийлэх зорилгоор ариутгал, халдваргүйжүүлэлт хийн, гар угаах, ариутгах бодис, биеийн халуун хэмжигч байрлуулж, нэг хүүхэд-нэг ширээ гэсэн зарчмаар хичээллэж байна.

Ерөнхий сайд энэ үеэр “2020 он гарсаар 30 сургууль, 45 цэцэрлэг ашиглалтад орсон бол ондоо багтаан 31 сургууль, 41 цэцэрлэгийн барилга, өргөтгөл, сургуулийн 24 дотуур байрыг ашиглалтад хүлээн авах гэж байгаа. КОВИД-19 цар тахлаас үүдэн эдийн засаг хүндрэлтэй байгаа ч боловсролын салбарын төсөв, санхүүжилтийг бууруулахгүй байхад Засгийн газар онцгой анхаарч байгаа.  Сургууль, цэцэрлэгийн үйл ажиллагааг хэвийн горимд шилжүүлэх эсэх нь нөхцөл байдлаас шалтгаална” гэв.

Эх  сурвалж: www.polit.mn