Б.Мишээл: Амжилтын оргилд хүрсэн хийлч болно

2020-11-17
Нийтэлсэн: Админ
 2 мин унших

Х.ОЮУНБОЛД

 

Энэ удаагийн “Бүнээ, Сүнээ хоёр” буландаа Монгол Улсын Консерваторийн Сонгодог хөгжмийн мэргэжлийн сургуулийн 11а ангийн сурагч Б.Мишээлийг урилаа.

 

Тэрээр Монгол Улсын Консерваторийн тайзнаа анх удаа ОХУ-ын хөгжмийн алдарт зохиолч П.И Чайковскийн симфони найрал хөгжим, хийл хөгжмийн гоцлолд зориулсан ре мажорын концерт болон Финляндын алдарт хөгжмийн зохиолч Я.Сибелиусын симфони найрал хөгжим, хийл хөгжмийн гоцлолд зориулан бичсэн ре минорын гурван ангит концертыг тоглосон юм.

Харин түүнд энэ гайхамшигт хөгжмөөр тоглож сургасан хүн нь тус сургуулийн утсан хөгжмийн тэнхимийн багш Б.Энх-Амгалан ажээ. Аав ээж хоёр нь гэнэт хөгжим бүжгийн сургуульд оруулахаар шийдснээр урлагийн хүн болох зам нь эхэлсэн энэ охин тухайн үедээ жаахан байсан болохоор хөгжим ялангуяа, хийл хөгжим гэж юу болохыг мэддэггүй байсан бол одоо энэ хөгжмөөр тоглож сурсандаа их баярладаг гэж байсан юм.

Б.Мишээл охин зургаан настай сургуульд орсноосоо хойш энэ хөгжмийг илүү их ойлгож дурлаж байгаа гэсэн. Ийнхүү дэлхийд нэртэй, дуртай хоёр хөгжмийн зохиолчийнхоо бүтээлээр хийл хөгжмийн концертоо энэ сарын 6-нд Монгол Улсын Консерваторийн тайзнаа тоглосон тэрээр анх II ангидаа хөгжмийн зохиолч Ж.Чулууны нэрэмжит өсвөрийн хөгжимчдийн олон улсын уралдааны II байрыг эзэлж байжээ.

Түүний хоёр дүү хоёулаа эгчтэйгээ нэг сургуульд суралцдаг аж. Түүнээс гадна Б.Мишээл дүү Б.Цэлмэгтэйгээ нэг багшийн шавь юм байна. Харин дүү Б.Цэгц нь төгөлдөр хуураар хичээллэдэг. Булангийн маань зочин хөгжмөө давтах, хичээлдээ явах, даалгавраа хийхээс гадна зураг зурах, ном уншиж, зурагт ном унших  дуртай юм билээ. Тэрээр Их Британийн зохиолч Ж.Роулингийн бичсэн ид шидийн ертөнцийн тухай өгүүлдэг “Харри Поттер” цуврал зохиолыг унших дуртай. Бас англи хэлний мэдлэгээ дээшлүүлэхийн тулд англи ном уншдаг гэсэн шүү. Зурах, хөгжим тоглох авьяастай энэ охин хийлээс гадна төгөлдөр хуур тоглодог юм билээ.

Хүн бүрт хүсэл мөрөөдөл гэж байдаг. Том болох тусмаа хийл хөгжимдөө шунан дурлаж яваа тэрээр “Би олон гоё зохиол тоглож олон улсын том уралдаануудад амжилт гаргаж, сайн хүн болж, аав ээж, багшийнхаа ачийг хариулахыг мөрөөддөг” гэж ярьсан юм. Чех, АНУ, ОХУ-д болсон олон уралдаанд амжилттай оролцож явсан охин гадаадад очиж олон улсын хөгжимчин хүүхдүүдтэй уулзаж, өрсөлдөх сонирхолтой. Бас их туршлага болдог. “Намайг уралдаанд оролцох бүрт миний мэргэжлийн багш Б.Энх-Амгалан тусалж, дэмждэг” гэж  олон улсын уралдаанд оролцож байсан үеийнхээ сэтгэгдлээ хуваалцлаа.

Түүнд өнгөрсөн жил Чех улсад болсон Косианы нэрэмжит өсвөрийн хийлчдийн уралдаанд оролцсон нь их дурсамж үлдээсэн аж. Багш найзтайгаа Тайланд руу явсан аяллын үеэр олон сайхан дурсамжийг бүтээжээ. Мөн өрсөлдөгч хүүхдүүдээсээ их зүйл сурсан байна. Хэрэв тэрээр хийлч болоогүй бол зурагт номын зураач болох байсан гэсэн юм.

Эх сурвалж: “Зууны мэдээ” сонин

2020.11.17 МЯГМАР № 220 (6445)

 

АН-ын бүлэг: Цэцийн хуулийн төслийн хэлэлцүүлэгт оролцохгүй

АН-ын бүлэг: Цэцийн хуулийн хэлэлцүүлэгт оролцохгүй

15 мин
О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

36 мин
ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгүй

ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгү

53 мин
Малын хорогдол 5.9 саяд хүрлээ

Малын хорогдол 5.9 саяд хүрлээ

1 цаг 9 мин
Н.Алтанхуяг: Цэцийн хууль морин дэл дээгүүр явчихвий

Н.Алтанхуяг: Цэцийн хууль морин дэл дээгүүр явчихвий

3 цаг 7 мин
Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

4 цаг 39 мин
Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

7 цаг 12 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

7 цаг 22 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

7 цаг 27 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

7 цаг 27 мин