Зөвхөн Байгал нуур төдийгүй Буриадын амралт сувилалд явахын учир

2020-09-08
Нийтэлсэн: Админ
 2 мин унших

Дамдины ЭНХЭЭ

 

Буриадын тусгай хамгаалалттай бүсийн  түүх 200 гаруй жилийн тэртээгээс эхэлдгийг Орос улсын оршин суугчдаас цөөхөн хүн мэдэх байх. Чухам тэр цаг үест Байгал нуурын эрэг дээр эрдэсжсэн горхи булаг, эмчилгээний шавар зэргээрээ олноо танигдсан “Горячинск” хэмээх сувилал бий болсон аж. Бүс нутгийн өөр нэгэн эрүүлжүүлэн чийрэгжүүлэх төв болох “Аршан” сувилал Улаан-Үдээс зургаан цаг яваад хүрэх Саяны уулсын бэлд, Тункийн хөндийд эдүгээ зуун жил оршсоор байна.

 

Уулс, горхи булаг, буддын сүм хийд

“Аршан” сувилал уулын цэнгэг агаар, байгалийн хосгүй эрдэст усны эмчилгээний шинж чанараараа Кисловодскийн рашаан устай ижил төстэй бөгөөд зуу гаруй жилийн турш жуулчдын сонирхлыг татсан хэвээр байна.

“Аршан” сувилалд бид гол төлөв хоол боловсруулах эрхтний өвчин ходоодны шарх, гастрит, цөсний чулуунаас үүдэлтэй өвчнийг сувилан эмчилдэг. Мөн цусны эргэлтийн өвчин болох зүрх, судас, амьсгалын эрхтний болон шээс ялгаруулах тогтолцоо, мэдрэлийн ядаргаа өвчнийг эмчлэн сувилж байна хэмээн “Байкалкурорт”-ын ерөнхий эмч Тимур Батуев РИА Новости-д  ярилцлага өгөхдөө онцолжээ.

Дан ганц эмчилгээнээс уйдсан хүмүүст зориулж сөнөсөн галт уулын тогоо, хүрхрээ, буддын сүм хийд-дацан үзүүлэх аялал зохион байгуулдаг.

 

Гадаадын жуулчдын сонирхлыг татах зүйл

Үзэсгэлэнт Байгал нуурын эрэг дээр Буриад улсын өөр нэгэн сувилал болох “Горячинск” орших бөгөөд 2020 онд 210 жилийн ойгоо тэмдэглэсэн. “Аршан” сувиллын нэг адил эрдэст ус, эмчилгээний шавар зэргээр алдартай. Сувиллын нэг гол онцлог бол эрдэсжсэн усаар хоол сойх эмчилгээний хөтөлбөр. Чухам энэ эмчилгээ хийлгэхээр “Горячинск”-т Франц, Итали, Герман зэрэг гадаадын улс орноос маш олон жуулчин ирдэг. Эмчилгээний зориулалтаар хоолны ачааллыг бууруулж сойх энэхүү арга барил найруулагч Сильвия Жильман, Тьерри де Лестрад нарын бүтээсэн Францын баримтат киноны гол сэдэв болсон.

Нуруу нугас, үе мөч, арьс, арьсан доорх эс, мэдрэлийн тогтолцоо, амьсгалын эрхтний эмчилгээгээр “Горячинск” дагнадаг. Үүнээс гадна энд эмэгтэйчүүд, эрэгтэйчүүдийн өвчнийг сайн эмчилдэг.

“Манай эрдэст ус онцгой жорын хоолтой хослон эмэгтэйчүүдийн үргүйдлийг эмчлэх шинж чанартай. “Горячинск”-ийн рашаан усны ачаар манай хөдөө тосгоны маш олон бүсгүй ээж болсон” хэмээн Тимур Батуев бахархав.

“Горячинск” чөлөөт цагийг хөгжилтэй өнгөрүүлэх сонирхол татахуйц хөтөлбөртэй. Жишээлбэл, дэргэд орших Байгал нуурын мандлаар усан онгоц, завиар аялж болно. Өвөл нь энд дэлхийн хамгийн том нуурын мөсөн дээгүүр тэшүүрээр гулгаж болно. Сувилалд ирсэн хүмүүст зориулж “Баргузинский”-н үндэсний цэцэрлэгт хүрээлэн, декабристуудын музей, Котокель нуур зэрэг газраар экскурс зохион байгуулдаг.

Ойрын үед “Аршан” болон “Горячинск” сувилалд эмчилгээний шинэ барилга барихаар төлөвлөж байгаа байгаа ажээ.

Эх сурвалж: “Зууны мэдээ” сонин

2020.9.8 МЯГМАР № 173 (6398)

 

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

10 цаг 47 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

11 цаг 14 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

11 цаг 17 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

11 цаг 21 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

11 цаг 25 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

11 цаг 41 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

17 цаг 50 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

17 цаг 55 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

18 цаг 1 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

18 цаг 10 мин