Иргэдийн төлөөлөгчийг эгүүлэн татдаг болно

2020-08-13
Нийтэлсэн: Админ
 3 мин унших

Т.САЙХАН

 

Төрийн байгуулалтын байнгын хорооноос өчигдөр Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төслийн хэлэлцүүлгийг Төрийн ордонд хийлээ. 

2019 онд Үндсэн хуульд нэмэлт өөрчлөлт оруулсан.  Ингэхдээ нутгийн удирдлагатай холбоотой хэд хэдэн заалтыг оруулж баталсан байдаг.  Тиймээс Засаг захиргаа, нутаг дэвсгэрийн нэгж, түүний удирдлагын тухай хуулийг Үндсэн хуультай нийцүүлэн өөрчлөхөөр болж байгаа юм.  Хэлэлцүүлгийн эхэнд  Төрийн байгуулалтын байнгын хорооны дарга Л.Энх-Амгалан  “Орон нутгийн сонгууль ирэх аравдугаар сард болно. Энэхүү сонгуулийн дараа орон нутгийн удирдлага Үндсэн хуульд оруулсан нэмэлт, өөрчлөлтөд нийцсэн хуулийн дагуу бүрэлдэх нь чухал. Иймд Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төслийг УИХ-ын ээлжит бус чуулганаар хэлэлцэн батлахаар төлөвлөж байна” гэдгийг онцлов.

Хуулийн шинэчилсэн найруулгын төслийг боловсруулах ажлын хэсгийг УИХ-ын гишүүн Ж. Сүхбаатараар ахлуулан, С.Амарсайхан, Ж.Батжаргал, Ж.Батсуурь, Г.Ганболд, Б.Энхбаяр, Т.Энхтүвшин гишүүдийн бүрэлдэхүүнтэйгээр шинэчлэн байгуулсан юм.

 Хуулийн төсөлд орон нутгийн ажил, үүргийг санхүүжилттэй нь холбож өгөхийн зэрэгцээ нутгийн өөрөө удирдах ёсны ашиг сонирхлыг хамгаалах механизмыг шинээр бий болгож, Төлөөлөгчийн үүргээ биелүүлээгүй гэсэн үндэслэлээр тухайн тойргийн сонгогчдын олонхийн саналаар эргүүлэн татах зэрэг зохицуулалтыг тусгасан байлаа.

Хуулийн төсөлтэй холбогдуулан УИХ-ын гишүүн С.Чинзориг:

-Орон нутгийн удирдлагын эрх мэдлийн хуваарилалтыг тодорхой, оновчтой болгох асуудалд Ажлын хэсэг анхаарч, эргэн харах шаардлагатай  байна.  Сумын иргэдийн Төлөөлөгчдийн хурлын сонгуульд улс төрийн нам нэр дэвшүүлж оролцуулахгүйгээр зохицуулсан нь хэр зөв шийдэл байсан бэ.

УИХ-ын гишүүн Ж.Сүхбаатар:

-2016 оны сонгуулиас хойш хуулийн төслийн талаар улс орон даяар үе шаттайгаар хэлэлцүүлэг хийж, бүх шатны байгууллагын саналыг авч, үндэсний чуулган зохион байгуулсан. Иргэдийн зүгээс орон нутагт улстөржилтийг зогсоох хүсэлтийг багагүй тавьсаар ирсэн. Иймд суманд  улс төрийн намаар нэр дэвшүүлэх асуудлыг зогсоох зохицуулалтыг тусгасан гэв.   Хэлэлцүүлгийн үеэр гишүүдийн байр суурийг сонслоо.

УИХ-ын гишүүн С.Амарсайхан:

- Энэ хууль бол орон нутгийн хөгжилтэй шууд холбоотой.  Нэгдүгээрт, Засгийн газрын оролцоо ямар түвшинд байх,  Хоёрдугаарт, Орон нутгийн засаг захиргааны байгууллага, төрийн бусад байгууллагууд хоорондоо ямар уялдаа холбоотой, эрх мэдлийн зааг ялгаа нь ямар байх.   Гуравдугаарт хоорондоо засаглалаа яаж хэрэгжүүлэх гэсэн үндсэн асуудлыг хуулиар зааглах юм.  Өнөөдөр сум, аймаг, дүүргийн засаг дарга нарын эрх мэдэлд ямар ч ялгаа байхгүй. Жишээлбэл, Газар олголтыг дүүргийн, нийслэлийн засаг дарга, яам олгодог. Хот төлөвлөлт, байгуулалтын баталсан газрыг дүүргийн засаг дарга нь өөр газарт олгоод давхацуулсан асуудал гардаг. Хог хаягдлын асуудлыг нийслэл шийдье гэхээр дүүрэг, орон нутгийн Засаг дарга нар аж ахуйн нэгжүүдтэй гэрээний үндсэн дээр хамтарна гэсэн байдаг. Тэгэхээр нийслэлийн Засаг дарга, захирагчийн алба шууд оролцох эрхгүй. Үүнээс болоод асуудлуудаа шийдэж чадахгүй төвлөрөл бий болдог.  Тэгэхээр Засаг дараг, ИТХ-ын дарга нарын эрх мэдлийг хуульд зааж өгөхөөс аргагүй.

УИХ-ын гишүүн Ц.Мөнх-оргил:

 -Монгол Улс засаг захиргааны нэгж  баг, сум, аймаг гурван шатлалтай. Улаанбаатар хот хороо, дүүрэг, нийслэл гэсэн шатлалтай.  Гэтэл энэ гурван шатлалын аль нь иргэдэд төрийн үйлчилгээг түлхүү хүргэх талаар хууль тогтоомжид зааж өгөөгүй. Үүнээс  болоод иргэд төрийн үйлчилгээг хэнээс авах, хэн хариуцах нь ойлгомжгүй олон жил болсон. Мөн хариуцлагын тогтолцоо ч ойлгомжгүй явж ирсэн гэлээ.

Эх сурвалж: “Зууны мэдээ” сонин

2020.8.13  ПҮРЭВ № 155 (6380)

 

О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

О.Цогтгэрэл: Гурван сурагч тутмын нэг нь монгол хэлээрээ уншаад ойлгохгүй байна

3 мин
ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгүй

ХНХЯ: Асрамжийн төвд байдаг хүүхдүүдийн эцэг эхэд хүүхдийн мөнгө олгохгү

20 мин
Малын хорогдол 5.9 саяд хүрлээ

Малын хорогдол 5.9 саяд хүрлээ

36 мин
Н.Алтанхуяг: Цэцийн хууль морин дэл дээгүүр явчихвий

Н.Алтанхуяг: Цэцийн хууль морин дэл дээгүүр явчихвий

2 цаг 34 мин
Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

Ройтерс:Монголын экс Ерөнхий сайд уул уурхайгаас олсон хууль бус мөнгөөрөө Нью-Йоркт байшин худалдан авчээ

4 цаг 6 мин
Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

6 цаг 39 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

6 цаг 49 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

6 цаг 54 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

6 цаг 54 мин
Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

21 цаг 51 мин