Т.САЙХАН
УИХ-ын гишүүн асан Д.Дамба-Очирт холбогдох хэргийн шүүх хурал өнөөдөр Баянзүрх дүүргийн Эрүүгийн хэргийн анхан шатны шүүхэд 10:00 цагт эхэлсэн. Гэвч шүүгдэгч Д.Дамба-Очир нь нэмж өмгөөлөгч авах, уг өмгөөлөгч нь хавтаст хэргийн материалтай танилцах хүсэлт гаргасныг шүүх хүлээн авч, хуралдааныг энэ сарын 19-нийг хүртэл хойшлууллаа.
Шүүх хэргийг хүлээн авсан өдрөөс хойш шүүгдэгч болон түүний өмгөөлөгчийн гаргасан хүсэлтээр шүүх хуралдаан хоёр дахь удаагаа хойшилж байгаа нь энэ юм.
Түүнийг УИХ-ын гишүүнээр ажиллаж байхдаа эрх мэдэл албан тушаалаа ашиглан “Сафир стоун” компанидаа ЖДҮХС-аас 1.2 тэрбум төгрөгийн зээл авсан хэрэгт буруутгаж байгаа юм.
Эх сурвалж:www.polit.mn