Гадаад яамны “хурандаа”

2020-07-30
Нийтэлсэн: Админ
 2 мин унших

С.УЯНГА 

31 дэх Ерөнхий сайдын танхимдаа урьсан Гадаад харилцааны сайд “битүү” сонголт байсан. Үнэндээ УИХ дахь эрх баригч намын бүлгийн ажлын албаны “гал тогоо”-г дөрвөн жил барьсан Н.Энхтайваныг Гадаад яамыг удирдана  гэхэд гайхсан хүмүүс ч бас бус байв. Харин намтрыг нь харвал Н.Энхтайван төрд 25 жил ажилласны 15-д нь Гадаад харилцааны яаманд алба хашжээ. 1996 онд ГХЯ-нд мэргэжилтэн, атташегаас ажлаа эхэлж Монгол, Хятадын Засгийн газар хоорондын комиссын хариуцлагатай нарийн бичгийн дарга,  Монгол Улсаас БНХАУ-д суугаа ЭСЯ-ны худалдаа, эдийн засгийн асуудал хариуцсан атташе, III, II, I нарийн бичгийн дарга, сүүлд Монгол Улсаас БНХАУ-д суугаа ЭСЯ-ны худалдаа, эдийн засгийн зөвлөх, ГХЯ-ны Гадаад худалдаа, эдийн засгийн хамтын ажиллагааны газрын захирлын алба хашсан. Мөн дундуур нь  Худалдаа, үйлдвэрийн яаманд мэргэжилтэн, Газрын тосны хэрэг эрхлэх газрын дэд дарга, Төрийн өмчийн хорооны Тамгын газрын дарга, 2015 оноос Шадар сайдын зөвлөхөөр ажиллаж байгаад МАН-ын бүлгийн Ажлын албаны даргаар очсон байдаг. Харин боловсролын хувьд Политехникийн дээд сургууль, Бээжин хотын Худалдааны их сургууль, Шинэ Зеландын Велингтоны их сургууль төгсч, МУИС-д эдийн засгийн магистр, АНУ-ын Стрэйерийн их сургуульд бизнесийн удирдлагын магистр хамгаалжээ. 
Н.Энхтайваныг очсон салбар бүртээ эдийн засаг, гадаад худалдаа хариуцаж, энэ чиглэлээрээ ч мэргэшсэн гэж үнэлэх хүмүүс намынхнаас эхлээд цөөн биш. Тиймдээ ч эдийн засгийн мэдлэг, туршлагаар нь 2016 онд МАН-ын бүлэг Ажлын албаа удирдуулахаар болсон гэх юм билээ. Н.Энхтайван 65 гишүүнтэй ажиллахдаа “Эрдэнэт” үйлдвэрийн 49 хувийг төрд авах, Үндсэн хуулийн нэмэлт өөрчлөлтийн ажлын хэсэгт орохоос гадна томоохон хуулиудыг боловсруулж, заримыг нь гардан бичсэн байна. Мөн МАН-ын 2020 оны Их хурлын сонгуулийн мөрийн хөтөлбөрийг голлон зангидсан хүмүүсийн нэг. Тиймдээ ч хөдөлмөр, зүтгэлийг нь үнэлж Гадаад харилцааны сайдаар томилсон биз. 
Н.Энхтайваныг Гадаад харилцааны яаманд мэргэжилтнээс эхлээд албан тушаалын шат болгон дээр гишгэсэн хэмээн парламентын танхимд танилцуулж байв. Тэр Бүрэн эрхт Элчин сайдын доод талын албан тушаал буюу “Тэргүүн шадар” дипломат цолтой юм байна. Цагдаагаар жишвэл “хурандаа” гэсэн үг. Мөн сайдын сонин хачинаас нэмэрлэхэд, мэргэжлийн чиглэлийн хэд хэдэн ном бичсэнээс гадна номын сандаа 10 мянган номтой гэдэг юм билээ. 
Гадаад харилцааны сайд Н.Энхтайван салбарын өмнөх сайд нар, гадаадын элчин сайдуудтай уулзаж туршлага судлах замаар ажлаа эхлүүлжээ. Өөрийнхөөрөө дайралгүйгээр өрөөлийн үгийг сонсох нь зөв ч яг энэ цаг үед бол гадаадад гацсан монголчуудаа эх оронд нь авчрах л нэн тэргүүний ажил болоод байна. Мөн эдийн засаг, худалдааны мэдлэгээ ашиглаж цар тахлын  хүнд хэцүү үед хөрөнгө татах ажлыг ч шуурхайлах хэрэгтэй. Түүнээс гадна өмнөх сайд Д.Цогтбаатараас өвлөгдсөн хамгийн том ажил бол дипломат албаныхны хар тамхины асуудал юм. Тиймээс шинэ сайд маань цар тахал, хар тамхитай хэрхэн тэмцсэнээрээ ажлаа дүгнүүлэх болох нь. 

Эх сурвалж: "Зууны мэдээ" сонин 2020.7.30  ПҮРЭВ № 145 (6370)

Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

2 цаг 19 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

2 цаг 29 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

2 цаг 34 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

2 цаг 34 мин
Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

17 цаг 31 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

17 цаг 58 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

18 цаг 1 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

18 цаг 4 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

18 цаг 8 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

18 цаг 25 мин