“Эхлүүлсэн бол дуусга”

2020-06-23
Нийтэлсэн: Админ
 3 мин унших

Ж.МИШЭЭЛ

 

Орчин үед залуусын дунд хувцсан дээр зурах урлаг дэлгэрч байгаатай холбогдуулан МУИС-ийн оюутан Б.Батцэцэгтэй ярилцлаа.

 

-Уран зурагтай хэзээ, хэрхэн танилцаж байсан бэ?

-Аав маань зураг зурдаг болохоор багаасаа л зурах урлагтай ойр байсан. Дөрөвдүгээр ангидаа “Монголын хүүхдийн ордон”-ы зургийн дугуйланд явж эхэлсэн. Зураг зурах үедээ төвлөрч, бодлоо цэгцэлж чаддаг учраас зурагтай нөхөрлөх их дуртай.

-Хэзээнээс хувцсан дээр зурж эхэлсэн бэ. Хүмүүс хэрхэн хүлээж авч байна?

-Нэг жилийн өмнөөс энэ төрлийг сонирхож эхлээд хагас жилийн өмнөөс хувцсан дээр зурдаг болсон. Анх өөрийнхөө хувцсан дээр зурж, туршдаг байсан. Хүмүүс эерэгээр хүлээн авч, урмын үг хэлж байсан нь цаашид захиалга авч хувцсан дээр зурдаг болоход минь их нөлөөлсөн. Одоогоор пүүз, жакет, цүнхэн дээр зурсан байгаа. Монголд хувцсан дээр зурдаг хүн цөөн байдаг. Гэхдээ сүүлийн үед энэ төрлийг сонирхох хүмүүс нэмэгдэж, кастом хийх сургалт хүртэл бий болсон байна лээ. Би бүх төрлөөр зурахыг илүүд үздэг. Уран зургаас гадна хана, хувцсан дээр зурдаг.

-Захиалгаа яаж авдаг вэ. Бүтээлүүд чинь дунджаар ямар үнэтэй вэ?

-Өөрийн бүтээлүүдийг бусдад танилцуулах зорилгоор “Ce” цахим хуудсыг жилийн өмнө нээж, захиалга авдаг болсон. Одоогоор 50 орчим захиалга авсан байна. Захиалгаар ихэвчлэн байгалийн зураг зурдаг. Сүүлийн үед залуу үеийнхнээс хувцсан дээр зураг зуруулах захиалга их ирж байна. Тиймээс энэ тал дээр илүү төвлөрч ажиллаж байгаа. Үнийн хувьд уран зураг маань хэмжээнээсээ шалтгаалан 50-100 мянга, хувцсан дээр ямар зураг зуруулахаас шалтгаалан 20-50 мянган төгрөг болдог. Аль болох бусдаас хямдаар хүргэхийг зорьж, зургийн хэрэгслийнхээ үнийг оруулж боддог.

-Нэг зурагт дунджаар ямар хугацаа зарцуулдаг вэ?

-Зургийн төрөл, хэмжээнээс хамаараад нэг цаг эсвэл 1-2 өдөр зарцуулах тохиолдол байдаг. Хувцсан дээр зурахад 6-7 цаг болдог. Зарим хүн зурагаа эхлүүлчихээд орхичихдог. Харин би “Эхлүүлсэн бол дуусга” гэсэн зарчим баримталдаг. Зурж дууссаны дараа үнэхээр сайхан мэдрэмж авдаг.

-Зураг зурах урам зоригоо юунаас авдаг вэ?

-Нам гүм орчинд дуу сонсох үед эсвэл байгалийн сайхныг хараад зурах хүсэл маань төрдөг. Мөн Youtube суваг дахь “Chuck Black Art”, “Jim Reno”, “Art of John Magne Lisondra” гэсэн хаягийг дагаж, энэ зураачдаас урам зориг авч, их зүйлийг сурдаг.

-Хувцсан дээр зурах нь ямар давуу талтай вэ?

-Хэдий хэвлэсэн шиг цэвэрхэн болохгүй ч хүн өөрийн хүссэн зүйлээ зуруулж, давтагдашгүй хэв маягийг бүтээх боломжтой. Зураачийн сэтгэл, хөдөлмөр шингэж, чамин хувцас бүтдэг нь хамгийн сайхан.

-Хувцсан дээр зурахад юуг анхаарах хэрэгтэй вэ?

-Эхлээд жижиг цаасан дээр зургийн ерөнхий хэлбэрийг гаргах хэрэгтэй. Мөн акрилк будгаар зурсны дараа арилгаж болдоггүй тул эхнээсээ нямбай, цэвэрхэн зурах хэрэгтэй. Хэрэв алдаа гаргавал яаж гоёор залруулж болох тал дээр өөрийн мэдрэмжээр хандах хэрэг гардаг. Хамгийн гол нь туршлагатай байх хэрэгтэй. Зураад л байх тусам сайжирдаг. Дөнгөж зурж сурч байгаа хүмүүс эхлээд хямд материал аваад туршиж үзээрэй гэж зөвлөмөөр байна. Мөн гадаадын зураачдын бичлэгийг үзэж, туршлага судлах хэрэгтэй.

-“Ce” цахим хуудас дээрээ усан будгаар зурах аргачлалыг оруулсан байсан. Цаашид сургалт явуулах бодол байгаа юу?

-Нэг удаа бага ангийн хүүхдүүдэд зураг зурах аргачлалыг заахад их дуртай хүлээж авсан. Үүнээс үүдэн илүү олон хүнд өөрийн мэдлэг, туршлагаасаа хуваалцахын тулд эхний ээлжинд усан будгаар зурах аргачлалыг цуврал зураг хэлбэрээр оруулсан байгаа. Цаашид бусад төрлийн зураг зурах дарааллыг бичлэгээр оруулж, сургалт явуулах бодолтой байна.

-Цаашдын зорилгоосоо хуваалцаач?

-Би хот төлөвлөлтийн мэргэжлээр сурдаг ч төгсөөд уран зургийн сургуульд сурах төлөвлөгөөтэй байгаа. Мэргэжлээрээ ажиллахын хажуугаар зурагаа орхилгүй илүү олон зураг зурж, туршлага хуримтлуулаад галерей нээхийг хүсдэг. Мөн надтай ижил хувцсан дээр зурах сонирхолтой хүмүүстэй хамтарч ажиллах бодол байна.

Эх сурвалж: “Зууны мэдээ” сонин

2020.6.23  МЯГМАР № 122 (6347)

 

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

5 цаг 56 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

6 цаг 23 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

6 цаг 26 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

6 цаг 29 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

6 цаг 33 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

6 цаг 50 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

12 цаг 58 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

13 цаг 3 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

13 цаг 9 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

13 цаг 19 мин