"Аравт"-ын анхан шатны төлөвлөлтийн хурал цахимаар явагдлаа

2020-04-17
Нийтэлсэн: Админ
 2 мин унших

“Аравт-2020” олон улсын морин цэргийн уралдааны анхан шатны төлөвлөлтийн хурал 2020 оны 4 дүгээр сарын 17-ны өдөр цахимаар явагдлаа. Цахим хуралд ЗХЖШ-ын орлогч дарга, хошууч генерал Ж.Бадамбазар, ЗХЖШ-ын Сургалтын хэлтсийн Биеийн тамир, спортын тасгийн дарга, хурандаа Д.Цог-Эрдэнэ, ОХУ-аас Монгол Улсад суугаа Элчин сайдын яамны цэрэг, агаарын цэргийн атташе, хурандаа П.Г.Анисов нар оролцов. Хурлын эхэнд хошууч генерал Ж.Бадамбазар цахим хуралд оролцогч орнуудад талархал илэрхийлээд “Аравт-2020” олон улсын морин цэргийн уралдааны зохион байгуулалтын талаар мэдээлэл хүргэсэн бол хурандаа Д.Цог-Эрдэнэ уралдааны зааварт орсон өөрчлөлт, шүүлтийн талаар ярилаа. Энэ үед оролцогч талуудаас уралдаанд өөрийн мориор оролцож болох тухай, үүнийг шийдвэрлэх боломж байгаа эсэх, зохион байгуулалтад өөрчлөлт оруулсан эсэх тухай асууж, санал солилцож байв.

Хурлын төгсгөлд хурандаа Д.Цог-Эрдэнээс зарим зүйлийг асууж тодрууллаа.

-Цахим хурлын үр дүнгийн талаар мэдээлэл өгөхгүй юу?

-Хурлаар хоёр гол асуудлыг хэлэлцлээ. Нэгдүгээрт, өнөөдөр дэлхий нийтэд тархаад байгаа шинэ короновирусын нөхцөл байдлаас хамаараад “Олон улсын цэргийн наадам”-ын “Аравт-2020” олон улсын морин цэргийн уралдааныг төлөвлөсөн ёсоороо зохион байгуулах эсэх талаар оролцогч орнуудтайгаа ярилцаж, санал бодлоо солилцсон. Хоёрдугаарт, уралдааны зохион байгуулалт, шүүлт, заавар зэрэгт анхаарах ямар асуудал байгааг нь журмын нөхдөөсөө асууж тодруулсан. Мөн Монгол Улсын талаас дэлхий нийтэд короновирусын халдварын тархац хумигдаж, сайхан цаг ирэхэд нь “Аравт”-ыг зохион байгуулахад бэлэн байх болно гэдгээ ч илэрхийллээ.

-Оролцогч орнуудаас ямар санал дэвшүүлж байна вэ?

-Хэд хэдэн асуудал тодруулж байна. Тэр дундаа уралдаанд өөрсдийнхөө морьтой оролцох сонирхолтой байгаагаа илэрхийлж, Монгол Улс руу адуугаа нэвтрүүлэхэд эрх зүйн хүрээнд боломж байгаа эсэх талаар асууж байна. Бидний хувьд ч үүнд нь тодорхой хариуллаа. Монгол Улсын Засгийн газраас мал экспортлохыг  хориглосон тогтоол гараад удаагүй байгаа, хэрэв адуугаа авчирна гэвэл Батлан хамгаалахын сайд магадгүй бүр Засгийн газрын түвшинд ярилцах шаардлагатай юм байна гэдгээ илэрхийлсэн. Гэхдээ Монгол, Орос хоёр улс мөнхийн хөрш орнууд учраас энэ асуудлыг шийдвэрлэх боломж байгаа гэж харж байна.

-Дараагийн хурлын тов хэзээ гэж тогтсон бэ?

-Цар тахлын нөхцөл байдал сайжирвал ирэх зургаадугаар сард хийхээр төлөвлөсөн байгаа.

Ахлах дэслэгч Д.Болормаа

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

13 цаг 18 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

13 цаг 45 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

13 цаг 48 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

13 цаг 51 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

13 цаг 55 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

14 цаг 12 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

20 цаг 21 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

20 цаг 26 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

20 цаг 31 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

20 цаг 41 мин