МАН-ын бүлэг: Ерөнхийлөгчийн хоригийг хүлээж авахгүй, ард нийтийн санал асуулга явуулна

Нүүр

Геополитик

МАН-ын бүлэг: Ерөнхийлөгчийн хоригийг хүлээж авахгүй, ард нийтийн санал асуулга явуулна

2019-10-03

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН

МАН-ын бүлэг /10.03/ хуралдаж, хоёр асуудлыг хэлэлцэж шийдвэрлэжээ. Ард нийтийн санал асуулга явуулах тухай УИХ-ын 73 дугаар тогтоол, Ерөнхийлөгчийн тавьсан хоригийг хэлэлцсэн байна.

Энэ талаар МАН-ын бүлгийн дарга Д.Тогтохсүрэн “УИХ зургадугаар сарын 12-оос Үндсэн хуульд нэмэлт, өөрчлөлт оруулах тухай хуулийн төслийг үндсэндээ гурван сарын хугацаанд хэлэлцэн хоёрдугаар хэлэлцүүлгийг дуусгаж, ард нийтийн санал асуулга явуулахаар болсон. Уг шийдвэрт Ерөнхийлөгч бүрэн эрхийн хүрээнд хориг тавьсан. Бүлгийн хуралдаанаар хоригийг хэлэлцээд хүлээж авах боломжгүй гэж шийдвэрлэлээ. Бид социологийн судалгаа хийж үзсэн. Судалгаанд оролцсон арван иргэний ес нь Үндсэн хуулийн өөрчлөлтийг ард нийтийн санал асуулгаар батлах нь зөв гэсэн байна. Иймд манай бүлгийн олонх ард нийтийн санал асуулгаар шийдвэрлэх нь хамгийн зөв хувилбар гэж үзлээ.

Дараагийн асуудал нь Ерөнхийлөгч Зэвсэгт хүчний жанжин штабын даргыг шинээр томилох, зөвшилцөх санал оруулж ирсэн. ЗХЖШ-ын дарга эрүүл мэндийн шалтгаанаар үүрэгт ажлаасаа чөлөөлөгдөж байгаа. Түүний оронд ЗХЖШ-ын даргад Д.Ганзоригийг томилох зөвшилцлийг бүлгийн гишүүд дэмжлээ” гэв.

Хурлын дараа сэтгүүлчдийн асуултад хариулав.

-Хоригийг хүлээж авбал ард нийтийн санал асуулга явуулах боломжгүй болно гэсэн үг үү?

-Боломжгүй. Хоригийг хүлээж авахаар хоёр гарц байгаа. Эхний гарч нь гуравдугаар хэлэлцүүлгээр батлах, эсвэл нэмэлт, өөрчлөлтийг зогсоох ийм л гарц байна. Гэтэл МАН 2016 оны сонгуульд орохдоо ч, хоёрдугаар хэлэлцүүлгийг хийж дуусахдаа ч ард нийтээр хэлэлцүүлж батлах нь зөв гэж үзсэн.

-Хоригийг хүлээж авахгүй байснаар улс төрийн эрсдэл үүсэх үү. Цаашид санал авах үйл ажиллагаа хэрхэн үргэлжлэх бол?

-Хоригийг хүлээж авахгүй тохиолдолд УИХ нэг шийдвэр гаргана. Тэр нь санал асуулгыг хэзээ явуулах вэ гэдэг тов гаргах юм. Энэ тогтоолд мөн зардлын асуудлыг шийдвэрлэх ёстой. Хугацааны хувьд бид аравдугаар сарын 30 гэж тогтож байсан. Түүнээс хойш сар гаруй хугацаа өнгөрлөө. Одоо хоёр хувилбар байгаа. Нэг нь энэ жилдээ багтааж санал асуулга явуулах, эсвэл ирэх оны УИХ-ын ээлжит сонгуультай хамтатгах хувилбар байна. Энэ хувилбарууд дээр дахин ярилцах байх.

Эх сурвалж:www.polit.mn

Монгол Улсын Ерөнхий сайд асан Л.Оюун-Эрдэнэ, УИХ-ын дарга Д.Амарбаясгалан нар болон Засгийн газар, УИХ-ын гишүүдээс асуух АСУУЛТ

Монгол Улсын Үндсэн хуулийн Хорин гуравдугаар зүйлийн 1 дэх хэсэгт “Улсын Их Хурлын гишүүн

2025-09-12

Ж.Бат-Эрдэнэ: Ерөнхий сайд намын дарга байх, намын дарга Ерөнхий сайд байх нь еэвэнгийн хоёр тал

-УИХ дахь МАН-ын Бүлгийн дарга Ж.Бат-Эрдэнэтэй цаг үеийн асуудлаар ярилцлаа.

2025-09-11

Гашуунсухайт-Ганцмодны хил холболтын гэрээтэй холбоотойгоор зургаан улстөрчийг шалгаад эхэлсэн үү?

Сүүлийн үед “…Гашуунсухайт-Ганцмодны хил холболтын гэрээ Монголд ашиггүй, алдаатай болсон

2025-09-11