С.САРУУЛ
Цагдаагийн байгууллагаас энэ сарын 6-7-нд шилжих шөнө цэнгээний газруудад гэнэтийн шалгалт хийжээ. Тодруулбал, Баянгол, Чингэлтэй дүүргийн шөнийн цэнгээний газруудад шалгалт хийж 87 иргэнд хар тамхины тест тавьж шалгахад 24 нь хар тамхи хэрэглэж, тав нь биедээ хадгалсан нь тогтоогдсон байна. Хэрэглэсэн иргэд дунд Герман улсын хоёр иргэн байсан бөгөөд 21-41 насны иргэд ч байжээ.
Мөн өнгөрсөн зургадугаар сард Нийслэлийн прокурорын газар, ЦЕГ-ын Тусгай ажиллагааны газар, Эрэлч нохойн алба хамтран шөнийн цэнгээний газруудад гэнэтийн шалгалт хийж 40 иргэнийг хар тамхи илрүүлэгч тестээр шалгахад зургаан хүнээс хар тамхи илэрсэн байдаг. 2019 оны эхний хагас жилийн байдлаар, худалдаалах зорилгогүй хадгалсан 65, худалдаалах зорилгоор олж авсан 24 хэрэг илрүүлжээ. Үүнээс зохион байгуулалттай гэмт бүлэглэл нэг, хоёр түүнээс дээш хүн санаатай нэгдэж бүлэглэн үйлдсэн 12, худалдсан 16, улсын хилээр нэвтрүүлсэн 16 /шуудан илгээмжээр 11/, тарьж ургуулсан нэг, орон байраар хангасан нэг хэргийг илрүүлсэн байна. Харин орон нутагт энэ сарын байдлаар 12 гэмт хэрэг бүртгэгдсэн тоо мэдээ бий.
Эх сурвалж: www.polit.mn
80 хүнд хар тамхины тест тавихад 24-өөс нь илэрчээ
2019-09-08
Нийтэлсэн: Админ
 1 мин