Т.САЙХАН
АТГ-аас өчигдөр /07.29/ мөрдөн шалгах ажиллагаа явуулж байгаа хэргүүдийнхээ талаар мэдээлэл хийсэн. Энэ үеэр Салхитын мөнгөний ордтой холбоотой маргаанд 17 шүүгч холбогдон, тус газарт шалгагдаж буй хэргийн талаар товч танилцуулжээ. Захиргааны хэргийн анхан шатны шүүхийн шүүгч асан С.Төмөрбат гэр бүлийн хамт биедээ их хэмжээний ам.доллартай АНУ-ын хилээр нэвтрэх гэж байгаад тус улсын хилийн албаныханд баригдан саатуулагдсан. Түүнийг АНУ-аас цагаачлал хүссэн гэх мэдээлэл ч байгаа. Авлигатай тэмцэх газрын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүүгийн мэдээлснээр, шүүгч асан С.Төмөрбатыг авчрахаар хуулийн дагуу боломжит бүх аргыг ашиглаж байгаа ч АНУ-ын тал шүүгч асаныг эрүүгийн хэрэгт татаагүй, сэжигтэн гэж үзэж буй нь багагүй хүндрэл учруулж байгаа юм байна.
Эх сурвалж:www.polit.mn
АТГ шүүгч асан С.Төмөрбатыг авчрахаар ажиллаж байна
2019-07-30
Нийтэлсэн: Админ
 1 мин