ОХУ-ын Якутын үндэсний спорт “Mas wrestling” буюу бөхийн тамирчид нуруу буюу гарын хүчээр өрсөлддөг нэгэн төрлийн ДАШТ Якутск хотноо болж өндөрлөжээ.
48 орны 200 гаруй тамирчин хүч бяраа сорьсон энэ тэмцээнд манай улсаас өрсөлдсөн Т.Оюун-Эрдэнэ эмэгтэйчүүдийн 65 кг-д хүрэл медаль хүртсэн байна. Энэ төрлийн дэлхийн аварга шалгаруулах анхны тэмцээн 2014 онд болоход манайхан хоёр хүрэл медальтай ирж байсан юм. Якутын үндэсний гэх энэ төрлийг тодруулбал хоёр тамирчин хашлага руу хөлөөрөө тулж модон савааг харилцан таталцаж дийлсэн нь ялдаг өвөрмөц спорт ажээ. Одоо 50 гаруй оронд хурдацтай хөгжиж байгаа. 2019 онд өсвөр үеийнхний олон улсын тэмцээн Монголд болох юм байна.