Б.ДАМДИН
Ерөнхийлөгч Х.Баттулга өнөөдөр /2018.11.14./ зарлиг гаргаж, ЗХЖШ-ын дарга, дэслэгч генерал Д.Давааг өөр ажилд шилжих гэж буйтай нь холбогдуулан ажлаас нь чөлөөллөө.
ЗХЖШ-ын даргыг даргыг томилох хүртэл ЗХЖШ-ын нэгдүгээр орлогч дарга, хошууч генерал Р.Сүхбатыг даргын үүрэг гүйцэтгэгчээр томилсон байна.
Монголын төр сүүлийн жилүүдэд үүрэг гүйцэтгэгч л томилоод байдаг болсон. Бүр үүрэг гүйцэтгэгчээрээ байсаар дараагийн сонгууль хүргэж байсан тохиолдлууд бий.
Харин Монголдоо анх удаа ЗХЖШ-ын даргын үүрэг гүйцэтгэгч гэж томилсон нь байж болох уу, үгүй юу гэдэг өөр асуудал гээд байна. Учир нь ЗХЖШ бол Үндэсний аюулгүй байдалтай шууд холбоотой байгууллага юм.
Яг үнэндээ улс төрийн ийм ороо бусгаа үед Ерөнхийлөгч ийм зарлиг гаргасан нь анхаарал татахаар л байна. Гэсэн атал ЗХЖШ-ын даргын үүрэг гүйцэтгэгч гэж томилсон нь бүр ч хачирхалтай.
Бид өнгөрснөө санах хэрэгтэй. Арван жилийн өмнө, 2008 оны долдугаар сарын 1-нд юу боллоо доо. Хошууч генерал Ч.Амарболд ЦЕГ-ын даргын үүрэг гүйцэтгэгч байсан. Дараа нь хэрэг явдал үүсэхэд “...Үүрэг гүйцэтгэгч байсан” гээд бөөн л юм болсон. Гэхдээ түүнийг ялласан.
Ер нь үүрэг гүйцэтгэгчийн эрх зүйн чадамж ямар байх нь тун ойлгомжгүй. Дарга мөн, бас биш гэсэн үг.
Тиймээс Ерөнхийлөгч энэ зарлигаа эргэж харж мэдэхээр нөхцөл үүсэхийг учир мэдэх хүмүүс хэлж байна.
Эх сурвалж: www.polit.mn
ЗХЖШ үүрэг гүйцэтгэгч даргатай байж болох уу?!
2018-11-14
Нийтэлсэн: Админ
 1 мин