Б.ҮЕНЧ
УИХ-ын чуулганы өнөөдрийн /2018.10.04/ хуралдаанаар Зам тээвэр, хөгжлийн сайд Ж.Бат-Эрдэнийг үүрэгт ажлаас нь албан ёсоор чөлөөлсөн. Тэгвэл дараагийн сайдад хэнийг нэр дэвшүүлэхээ МАН-ын Удирдах зөвлөлөөр хэлэлцэж Зам тээвэр, хөгжлийн сайдад УИХ-ын гишүүн Я.Содбаатарыг нэр дэвшүүлэхийг дэмжсэн юм.
Мөн дөнгөж сая МАН-ын бүлэг яаралтай хуралдаж сайдын албан тушаалд Я.Содбаатарыг 100 хувийн саналаар дэмжсэн байна. Зам тээврийн хөгжлийн сайдад Я.Содбаатараас гадна УИХ-ын гишүүн Б.Энх-Амгалан, Ё.Баатарбилэг нарын нэр яригдаж байсан юм.
Я.Содбаатарыг одоо Төрийн байгуулалт болон Эдийн засгийн байнгын хороодоор хэлэлцэж, чуулганы хуралдаанаар батална.
Эх сурвалж: www.polit.mn
МАН-ын бүлэг Я.Содбаатарыг сайдад дэмжлээ
2018-10-04
Нийтэлсэн: Админ
 1 мин