Цар тахлын улмаас хагас сая америк хүн амиа алджээ

2021-02-24
Нийтэлсэн: Админ
 2 мин унших

Б.ДОЛЖИНЖАВ

 

Хөгжил дэвшлээрээ дэлхийд манлайлагч их гүрэн Америкийн нэгдсэн улс цар тахлын өмнө өвдөг сөхөрлөө. COVID-19  халдвараар нас барсан Америк хүний тоо 513 мянгад хүрч, дэлхийн II дайнаар амиа алдсан иргэдийн тоог  давлаа. Ийн амиа алдсан иргэдийнхээ дурсгалд зориулж даваа гаригт Цагаан ордны гадаа  лаа асааж хүндэтгэл үзүүлэв.

 Энэ үеэр тус улсын ерөнхийлөгч Жо Байден “Ийм гашуун үйл явдлыг манай үндэстэн хүлээн зөвшөөрч чадахгүй. Бид цар тахлын эсрэг удаан хугацаагаар тэмцсээр ирлээ. Тоон мэдээлэл гэхээс илүү бодит амьдралд анхаарал хандуулах хэрэгтэй. Амиа алдсан хүмүүстээ хүндэтгэл үзүүлж, амьд үлдсэн хүмүүсийнхээ эрүүл мэндийн хамгаалахын төлөө анхааран ажиллах шаардлагатай” гэсэн юм.

Арванхоёрдугаар сараас хойш тус улсын халдвараар нас барагсдын тоо энэ долоо хоногт хамгийн их буурсан юм. Эмнэлэгт хэвтэж эмчлүүлэх болон шинэ халдварын тоо буурсан ч вирусын шинэ хувилбарууд тархаж эхэлсэн нь Америкийг түгшээж байна. Энэ талаар Бэйлор анагаах ухааны их сургуулийн доктор Петер Хотез “Англиас тархсан  COVID-19-ийн B.1.1.7 хувилбар миний санааг үнэхээр их зовоож байна. Учир нь энэ хувилбарын тархалтаас үүдэн халдварын тоо хэд дахин нэмэгдэнэ. Тэгэхээр вакцингүйгээр нас баралт болон цар тахлыг зогсоох өөр боломж бидэнд алга” гэв.

Шинэ хувилбараар одоогийн байдлаар 1700 гаруй хүн халдварлаад байна. Энэ нь нийт халдварын 20 орчим хувийг эзэлж байгаа боловч дөрөвдүгээр сарын сүүлээр гэхэд 80 хувьд хүрч болзошгүйг Вашингтоны их сургуулийн эрүүл мэндийн хэмжилт, үнэлгээний хүрээлэнгийн судлаачид анхааруулав. Судлаачдын баг “Дараагийн дөрвөн сард халдварыг хумьж чадах эсэх нь вакцины хүрээнээс хамаарна. Халдварыг бууруулахын тулд насанд хүрсэн хүмүүсийнхээ дөрөвний гурваас илүү хувийг вакцинжуулж, маскаа тогтмол зүүж, олон хүн цугларсан газраас зайгаа  барих шаардлагатай” гэж мэдэгджээ.

Өнөөдрийн байдлаар 44.1 сая Америк хүн Pfizer-BioNTech болон Moderna вакцины эхний тунд, 19 сая нь хоёр тун вакцинд хамрагдаад байна. Энэ нь тус улсын нийт хүн амын зургаа орчим хувийг эзэлж байгаа юм. Америкийн нийт иргэдийн 70-85 хувь нь вакцинд хамрагдсаны дараагаар сүргийн дархлаа тогтох юм.

Эх сурвалж: “Зууны мэдээ” сонин

2021.2.24 ЛХАГВА № 36 (6513)

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

8 цаг 25 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

8 цаг 52 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

8 цаг 55 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

8 цаг 58 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

9 цаг 2 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

9 цаг 19 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

15 цаг 28 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

15 цаг 33 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

15 цаг 38 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

15 цаг 48 мин