НОК “Нэг хаалга-Нэг шинжилгээ”-г амжилттай зохион байгууллаа

2021-02-23
Нийтэлсэн: Админ
 4 мин унших

Б.ГАРЬД

 

Монголчууд COVID19 цар тахалтай “албан ёсоор” учраад гурван сар гаруйн хугацаа өнгөрлөө. Хоёр дахь удаагаа хатуу хөл хорио тогтоож, тэр нь өнөөдөр дуусав. Өнөөдрөөс өнгөрсөн 12 хоногийн хугацаанд зарласан Бүх нийтийн бэлэн байдлын зэрэг буурч, өндөржүүлсэн бэлэн байдлын зэрэгт шилжлээ.

Засгийн газар, Онцгой комисс хэлснээрээ өнөөдрөөс хөл хориог тавьж, төр, хувийн хэвшлүүд бараг 100 хувь шахам хэвийн ажиллах шийдвэрийг гаргалаа.

Үнэнийг хэлэхэд 12 хоног гэдэг бага хугацаа биш. 2020 оны арваннэгдүгээр сарын 11-нээс хойш цар тахлын тархалтын улмаас хэвийн амьдралын горимоо алдсан албан байгууллага, айл өрхүүд, иргэдэд энэ хатуу хөл хорионы өдрүүд амар байгаагүй.

Харин халдварын төв голомт болсон нийслэлд ганц нэг ойлголтын зөрүүтэй явдлыг эс тооцвол Нийслэлийн Онцгой комисс /НОК/ өнгөрсөн 12 хоногийн хатуу хөл хорионы үеэр маш сайн зохион байгуулалттай ажиллалаа. Шинжилгээ өгсөн хүний хариу саатлаа гэх зэрэг гомдол санал гарч байв. Энэ нь манай эрүүл мэндийн салбарын ачаалалтай холбогдож байх жишээтэй.

Бусдаар Онцгой комисс тэр чигээрээ л хүч шавхаж ажилласан. Өнгөрсөн 12 хоногийн хугацаанд НОК яаж ажилласан бэ гэдгийг товчхоон “календарьчилж” харуулъя л даа.

Нийслэлийн Засаг дарга, НОК-ын дарга Д.Сумьяабазар хатуу хөл хорионы эхний өдөр буюу 2021 оны хоёрдугаар сарын 11-нд  “Нэг хаалга-Нэг шинжилгээ” ажлын хэрэгжилтийн мэдээлэл, гарсан дүн шинжилгээн дээр үндэслэн зарим үүрэг, чиглэлийг өглөө. 12-нд иргэдийн дунд үүсээд байгаа ойлгомжгүй мэдээллийг залруулж, үнэн зөв мэдээллээр хангахыг холбогдох албаныханд сануулсан юм. Мөн цагдаагийн алба хаагчдад “...Цаашид цагдаагийн алба хаагчдын иргэдтэй харьцах харилцаанд онцгой анхаарч, ёс зүйтэй байх тал дээр байнга хэлж, зөвлөх ёстой. Төрийн цагдаа гэдэг цагдаж, хорих биш иргэддээ түргэн шуурхай үйлчлэх, төрийн анхан шатны үйлчилгээг иргэдэд зөв ойлгуулах ёстой”  гэсэн чиглэлийг өгөв.

13-нд Нийслэлийн Засаг дарга Д.Сумъяабазар “Эмээлт” товчоон дээр ажиллаж, товчоодоор зайлшгүй орж, гарах шаардлагатай иргэдээс PCR шинжилгээний хариу, иргэний үнэмлэх, ажлын газрын тодорхойлолт зэрэг дээр үндэслэн түргэн шуурхай нэвтрүүлж ажиллахыг үүрэг гүйцэтгэж буй алба хаагчдад санууллаа. Мөн 2021 оны хоёрдугаар сарын 15-ны өдрөөс 597 гаруй хүнсний үйлдвэр, 16-ны өдрөөс 49 том, жижиг зах, худалдааны төвийг хэсэгчлэн ажиллуулахад хяналт тавихыг НМХГ-ын дарга Л.Эрдэнэчулуунд даалгав. Түүнчлэн мэдээллийн зөрүүтэй байдал  гаргалгүй, ЭМЯ, УОК-той уялдаа холбоотой ажиллахыг НЭМГ-ын дарга Б.Бямбадоржид  үүрэг  болголоо. 14-нд 2021 оны хоёрдугаар сарын 15-ны өдрөөс зөвшөөрөгдсөн салбарын албан байгууллагууд ажиллаж эхлэхтэй холбоотойгоор Нийслэлийн Засаг дарга Д.Сумъяабазар тэдгээр салбарын ажилтан, алба хаагчдыг нийтийн тээврээр тээвэрлэх зохицуулалт, зохион байгуулалтын ажил ямар байгаа талаар албаны хүмүүстэй уулзаж, үүрэг чиглэл өглөө. 15-нд 21 чиглэлд үйлчилгээнд гарч байгаа 180 автобусны тоог нэмэгдүүлэхийг, замын хөдөлгөөнд  оролцож эхэлсэн иргэдээс  72  цагийн дотор хийлгэсэн шинжилгээний бичиг шаардсаныг залруулж, холбогдох албаныханд үүрэг болгосон. 16-нд Нийслэлийн Засаг дарга Д.Сумъяабазар Нийслэлийн үйлчилгээний нэгдсэн төвийн Дүнжингарав салбарт ажиллах үеэрээ НОК-ын Шуурхай штабын гишүүдэд өчигдөр өгсөн зарим үүрэг, чиглэлийнхээ биелэлтийг сонсов. Энэ үеэрээ “CallCenter”-т ажиллаж, хатуу хөл хорио тогтоосон хугацаанд иргэдээс ирж буй санал хүсэлт, гомдлыг хэрхэн барагдуулж байгааг шалгалаа. 17-нд  Баянгол дүүргийн 19 дүгээр хорооны “Нэг хаалга-Нэг шинжилгээ” авах байр, Улаанбаатар хотын замын удирдлагын төвд ажилласан. 18-нд “Нэг хаалга-Нэг шинжилгээ” арга хэмжээ явагдаж буй Хан-Уул дүүрэгт ажиллаж, “...Энэ сарын 23-наас хөл хорио тавигдана. Мөн үргэлжлүүлээд COVID19-ээс хамгаалах вакциныг хийж эхэлнэ. Эхний ээлжинд энэхүү халдварын эсрэг тэмцэх голомт дээр ажиллаж буй эрүүл мэнд, цагдаа, онцгой байдлын албан хаагчдаа хамруулах төлөвлөгөөтэй байгаа”-г дуулгасан. 19-нд НОК-ийн Шуурхай штабын мэдээллийг өгч “... “Нэг хаалга- Нэг шинжилгээ” арга хэмжээ зохион байгуулалт сайтай үргэлжилж байна. Өнгөрсөн өдрүүдэд зохион байгуулсан шинжилгээнд идэвхтэй хамрагдаж, төр засгийнхаа шийдвэрийг даган биелүүлж байгаа иргэддээ баярлалаа” гэв. 21-нд Нийслэлийн Засаг дарга Д.Сумъяабазар НЭМГ-ын дарга Д.Бямбадоржид халдварын идэвх өндөртэй хэсгүүд дээр маш сайн анхаарч ажиллах ёстой. Мөн иргэдэд энэ талаарх мэдээллийг маш тодорхой өгч ажиллахыг хэмээн үүрэг болголоо. 22-нд Нийслэлийн удирдах ажилтнуудын ээлжит шуурхай зөвлөгөөн хийж “...Хяналт тавьж байна гээд аж ахуйн нэгжүүдийнхээ үйл ажиллагааг хаагаад , тусгай зөвшөөрлийг нь цуцлаад байж болохгүй. Нөхцөл байдал хүнд байгаа энэ үед аж ахуйн нэгжүүдээ аль болох дэмжиж, арга зүйн зөвлөгөө өгч ажиллаарай. Хувийн хэвшлийнхэн маань халдвар хамгааллын дэглэмээ баримтаж, тусгай нөхцөл шаардлагаа биелүүлэхэд зөвлөн  туслаарай” гэлээ.

Түүнчлэн энэ хөл хорионы үеэр НОК-ын  зүгээс өмнөх шиг замын хөдөлгөөнд оролцох иргэд, байгууллагад QR код тарааж, олон нийтийг бужигнуулсангүй. Ямартай ч УОК, Засгийн газрын мэдээллээс харахад НОК “Нэг хаалга-Нэг шинжилгээ”-г амжилттай зохион байгуулж, хатуу хөл хориог давжээ.

Эх сурвалж: “Зууны мэдээ” сонин

2021.2.23 МЯГМАР № 35 (6512)

 

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

Х.Тэмүүжин: Төмөр замын хэрэг бол дэлхийн том мафууд ч төлөвлөж чадахгүй хэмжээний зохион байгуулалттай гэмт хэрэг

2 цаг 2 мин
Н.Ариунболд: Шахмал түлшний аюулгүй байдалтай холбоотой зөрчилд үйлдвэрлэгчээс нөхөн төлбөр шаардах боломжтой

Шахмал түлшний угаарын хийн хордлого ба хохирогчдын эрхийн талаар өмгөөлөгч Н.Ариунболдтой ярилцлаа. 

10 цаг 27 мин
Хуулийн төсөл: Хаврын морин уралдааныг зөвшөөрнө, зөвшөөрөхгүй

УИХ-ын гишүүн У.Отгонбаяр нарын 25 гишүүн хаврын морин уралдааныг сэргээн з

10 цаг 27 мин
Н.Учрал: Төрийн тэргүүний эхлүүлсэн жишгийн дагуу бүгд шалгуулах ёстой

Өчигдрийн улс төр Ерөнхий сайд Н.Учралын мэдэгдлээр эхэлж, Ерөнхийлөгч У.Хүрэлсүхи

10 цаг 27 мин
Ерөнхийлөгч У.Хүрэлсүхийн чөлөөлөгдөх хүсэлтийг олонх дэмжиж, чуулганд танилцуулахаар боллоо

Ерөнхийлөгч У.Хүрэлсүхийн чөлөөлөгдөх хүсэлтийг олонх дэмжиж, чуулганд танилцуулахаар боллоо

Өчигдөр 14 цаг 30 мин
Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

Өчигдөр 06 цаг 00 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

Уржигдар 13 цаг 44 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Уржигдар 13 цаг 15 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

Уржигдар 13 цаг 11 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Уржигдар 06 цаг 00 мин