ИНЕГ-т үүссэн эмх замбараагүй байдлыг Ерөнхий сайд Л.Оюун-Эрдэнэ та мэдэж байгаа юу

2021-02-23
Нийтэлсэн: Админ
 4 мин унших

Т.САЙХАН

 

Улс орон даяар хөл хорио тогтоосон амаргүй цаг үед салбар бүрт хариуцлага гэдэг зүйлийг ягштал хэрэгжүүлэх учиртай. Төр, засгийн удирдлагууд ч албан хаагчдаа хариуцлагатай байхыг сануулж, анхааруулсаар байна. Шинэ Засгийн газрын тэргүүн, Ерөнхий  сайд Л.Оюун-Эрдэнэ ажлаа хүлээж аваад “Төрийн албан хаагчийн сэтгэлгүй,  хариуцлагагүй үйлдлээс болж, бүхэл бүтэн Засгийн газар өмнөөс нь ёс зүйн хариуцлага хүлээж огцорсон гэдгийг шат шатны төрийн албан тушаалтнууд хэзээ ч битгий мартаарай” хэмээн хэлж байв.

Гэвч энэ бүх   анхааруулга, сануулгыг хүлээж авдаггүй, удирдлагынх нь хариуцлагагүйн улмаас гарч буй  зөрчил, дутагдал нь ар араасаа овоорч байгаа нэг газар байна. 

Энэ нь бол ИНЕГ. Уг нь улсын онцгой объект.  Хариуцлагагүй, ёсзүйгүй, дүрмийн бус ажиллах эрх тэдний хэнд ч байхгүй.  Харин ч эсрэгээрээ хариуцлага,  ёс зүй, мэргэжлийн байдлаараа бусдыг уриалан дуудаж, үлгэр дууриалал үзүүлж байх учиртай газар.  Гэвч байдал эсрэгээрээ ИНЕГ-т хариуцлагагүйн зуд аль хэдийнэ нүүрлэчихээд байна.  Дараах баримтуудаас Монгол Улсын Иргэний нисэхийн Ерөнхий газар, түүний удирдлагууд ямар хэмжээнд ажиллаж байна вэ гэдгийг харж болно.

2020 оны есдүгээр сарын 13. Токио-Улаанбаатар чиглэлийн тусгай үүргийн нислэгийн “Воинг-767” онгоцны экипажийн дарга А.Энхжаргал Япон Улсын “Нарита” олон улсын нисэх буудлаас гурван хайрцаг “Caster” тамхи буюу 50 блок нийтдээ 150 ширхэг тамхийг Токио дахь төлөөлөгчийн газрын ажилтнуудтай хуйвалдан тээвэрлэн авчирсан.  Улмаар гааль, хил, хорио цээрийн ямар ч хяналтгүйгээр хулгайн тээвэр хийсэн ноцтой зөрчил илэрчээ.  А.Энхжаргал нь ИНЕГ-ын дарга Л.Бямбасүрэнгийн найз гэдэг.

 2021 оны нэгдүгээр сарын 15.  “Геосан” авиа компанийн JU-9993 улсын бүртгэлийн дугаартай С208  онгоц  Улаанбаатар-Булган чиглэлд нислэг үйлдэхээр сумлагаа хийхдээ болон цааш явгалан гүйхдээ онгоцныхоо сүүлний тулгуурыг авалгүйгээр нислэг үйлдсэн байна.  Азаар үүнийг таслан зогсоожээ.  Мөн Буянт-Ухаа олон улсын нисэх буудлын хэрэглэлийн буултын системийн баталгаат гэрчилгээжүүлэлтийн хугацаа 2020 оны есдүгээр сарын 15-ны өдөр дуусгавар болсон тул хугацаат баталгаажуулалтын шалгалтын нислэгийг БНХАУ-ын шалгалтын нислэгийн баг агаарын хөлгөөр гүйцэтгүүлэх  УОК-ын 2020 оны наймдугаар сарын 27-ны өдрийн шийдвэрийн биелэлтийг хангаагүй, тус хэрэглэлийн буултын системд одоог хүртэл баталгаажуулалт хийгдээгүй байна.

2020 оны долдугаар сарын 6. “Сөүл-Улаанбаатар” чиглэлд тусгай үүргийн ОМ-302 чиглэлийн “Боинг- 737” онгоцны  хөдөлгүүрт гал гарч, улмаар хөдөлгүүр татгалзан, Бээжин хотод ослын буулт хийсэн.  Үүний улмаас эх орондоо ирж байсан 160 зорчигч дөрвөн цаг орчим онгоцондоо  хүнд байдалтай байжээ.

2020 оны зургадугаар сарын 4.  Улсын онцгой комиссын чухал объектын нэгэнд тооцогдож буй “Чингис хаан” ОУНБ-ын хориотой бүсэд нэгэн иргэн чөлөөтэй нэвтэрч, МИАТ  ХК-ийн ангарын дэргэд маргаашийн нислэгт бэлтгэн үйлчилгээ хийлгэж байсан “Бионг-737” агаарын хөлөгт ороод зугаалж явсныг инженерүүд нь барьж өгчээ.  Үүний улмаас 5-ны өдрийн өглөө гүйцэтгэх байсан “МИАТ” ХК-ийн нислэгүүд гурван цагаар хойшилж, зохих алдагдлыг учруулсан байна.

2020 оны арваннэгдүгээр сарын 25.  Иргэний нисэхийн үндэсний төвийн Аюулгүй байдал, хамгаалалтын албаны дэд дарга Б.Гүен, /ТЕГ-ын дарга асан  Б.Хурцтай ойр хүн/ МИАТ ХК-ийн Зорчигч үйлчилгээний хэлтсийн дарга С.Батсүх /ИНЕГ-ын дарга Л.Бямбасүрэнгийн дүү/ нар Буянт-Ухаа ОУНОБ дахь ажлын өрөөндөө архидан согтуурч, ноцтой зөрчил гаргасны улмаас цагдаагийн байгууллагад баригдсан.  Гэвч ИНЕГ-ын дарга Л.Бямбасүрэн, ТЦА-ны дарга С.Амарсайхан нарын тусламжтайгаар хариуцлагаас мултарсан байна.

2020 оны арванхоёрдугаар сарын 29. Иргэний нисэхийн үндэсний төвийн Нислэгийн хөдөлгөөний үйлчилгээний албаны нислэгийн хөдөлгөөний удирдлагын автоматжуулсан “Эйркон-2100” систем 30 минут доголдож саатсан.  Улмаар гар ажиллагаанд шилжсэн бөгөөд Монгол Улсын агаарын зайд нислэг үйлдэж байсан гадаад улсын 12 агаарын хөлөг хяналтгүй болсон.  Энэ доголдол удаа дараалан давтагджээ.

2020 оны арванхоёрдугаар сарын 25. “H-125” нисдэг тэрэг Завхан аймгийн Тосонцэнгэл сумаас Улаанбаатар чиглэлд нислэг үйлдэхдээ хөдөлгүүр нь доголдож, Булган аймгийн Баяннуур сумын нутагт хээрийн нөхцөлд ослын буулт хийжээ.

2020 оны арванхоёрдугаар сарын 20. Бээжингээс Улаанбаатар чиглэлд карго нислэг үйлдэж байсан ОМ-224 МИАТ ТӨХК-ийн Боинг-767 агаарын хөлөг “Буянт Ухаа” ОУНОБ-д газардах үед шувуутай мөргөлджээ.  Үүний улмаас агаарын хөлгийн удирдлагад гэмтэл учирсан тул онгоц нислэгээ цааш үргэлжлүүлэх боломжгүй болжээ.   Улмаар онгоцноос их хэмжээний ачааг буулган JU-1021 дугаартай “Боинг-767” шилжүүлэн ачих ажиллагааг шөнө дөлөөр гүйцэтгэсэн аж.  Ингэснээр төлөвлөгдсөн гадаадын нислэг удаан хугацаагаар саатан компанид зохих хохирлыг учруулжээ.   Мөн онгоцонд учруулсан гэмтлийг засах гэж инженер техникийн ажилтнууд 24 цагийн турш тасралтгүй ажил үйлчилгээг хийж, нислэгт бэлэн болгосон бөгөөд багагүй хэмжээний хохирлыг  МИАТ ТӨХК-нд учруулсан байна.

2020 оны арваннэгдүгээр сарын 16. ИНҮТ-ийн НХҮА-ны нислэгийн хөдөлгөөний удирдлагын хамааралтай ажиглалтын АDS-В системд доголдол гарч, 21 минутын хугацаанд Монгол Улсын агаарын зайд нислэг үйлдэж байсан таван агаарын хөлгийн нислэг удирдлага хяналтгүй болжээ.

Энэ мэтчилэн Л.Бямбасүрэн, дэд дарга Б.Алтанцом нарын удирддаг Засгийн газрын хэрэгжүүлэгч агентлаг,  ИНЕГ-ын үйл ажиллагаатай холбоотой зөрчил, дутагдал үргэлжилж байна.  ИНЕГ-т үүссэн  энэ замбараагүй байдлыг та мэдэж байгаа юу, Ерөнхий сайд аа.  Хариуцлагагүй алба хаагчидтай холбоотой гомдол мэдээлэл таны сонорт хүрсэн үү.

Эх сурвалж: “Зууны мэдээ” сонин

2021.2.23 МЯГМАР № 35 (6512)

 

Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

3 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

13 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

18 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

18 мин
Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

15 цаг 15 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

15 цаг 43 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

15 цаг 45 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

15 цаг 49 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

15 цаг 53 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

16 цаг 9 мин