Хоёр сайд огцрох өргөдлөө өглөө

2021-01-21
Нийтэлсэн: Админ
 4 мин унших

С.УЯНГА 

Монгол Улс COVID-19 цар тахлаар далимдуулж хүний эрхийг хөсөр хаясан. Тэр бүү хэл төрийн тамгатай цаас, тангараг өргөсөн алба хаагчдын ажилдаа ялархсан хариуцлагагүй үйлдэл иргэний амьд явах эрхийн “дээр” заларсан харамсалтай үйлдэл ч гарлаа. Гэтэл өмнөх алдаагаа засч залруулах нь битгий хэл иргэдийн эрх зөрчигдөх, эрүүл аюулгүй орчинд амьдрах эрхийг зөрчиж хүнлэг ёсыг уландаа гишгэсэн үйлдлүүд тасрахгүй байна. Үүний хамгийн сүүлийн жишээ нь дөнгөж амаржсан эхийг нярай үртэй нь идэр есийн хүйтэнд нимгэн хувцастай яаралтай тусламжийн машинд суулгасан харгис үйлдэл. Энэ бол XXI зууны нийгэмд  байж болшгүй эмгэнэл гэхээс юу гэх вэ. Гэтэл нялх биетэй эх, үрийг харгисласан энэ үйлдлийг олон нийт хүчтэй шүүмжлэхтэй зэрэгцэн албан тушаалтнууд уучлал гуйж, иргэд үдэш хүртэл жагслаа. 
Хамгийн эхэнд УОК-ын дарга Я.Содбаатар иргэдээс уучлал хүсч хариуцлага тооцох чиглэл өгсөн талаараа “Нэгдүгээр төрөх эмнэлэгт амаржсан эхэд халдвар илэрч ХӨСҮТ-д шилжүүлсэн. Тээвэрлэхдээ дэндүү хүнлэг бус харьцсанд УОК-ын даргын хувьд тухайн эмэгтэй болон түүний ар гэрийнхнээс уучлал хүсч байна” гэж мэдэгдэв. 
Ерөнхийлөгч Х.Баттулга, УИХ-ын дарга Г.Занданшатар нар байр сууриа илэрхийлэв. Ерөнхийлөгч “Цар тахлын энэ хүнд цаг үед иргэдийн төлөө гэсэн үйл ажиллагааныхаа эцсийн зорилгыг умартан монгол хүний үнэ цэнийг улам алдагдуулсаар байгааг баталлаа. Холбогдох байгууллагуудын явуулж байгаа цар тахлаас сэргийлэх, ард нийтийг урьдчилан сэргийлэх үйл ажиллагаа нь дээд, дунд, доод шатандаа удирдлагын уялдаа тогтолцоо хангалтгүй байгааг харуулж байна” гэдгийг онцлов. 
Мөн хатуу хөл хориотой байгаа ч иргэд Д.Сүхбаатарын талбайд үзэл бодлоо илэрхийлэн жагсч төр, засгийн уялдаа холбоогүйг шүүмжлэв. Жагсаалд нэгдсэн зарим иргэн  гэрийн шаахай, халаад өмсч бухимдлаа илэрхийллээ. Жагсаалын үеэр УИХ дахь АН-ын бүлэг төв талбайд хариуцлага нэхэж Ерөнхий сайд У.Хүрэлсүхэд шаардлага хүргүүлэх зэргээр олон үйл явдал нэгэн зэрэг өрнөлөө. 
Эх, хүүхдэд хүнлэг бус хандсан асуудлаар ХЭҮК холбогдох албан тушаалтанд шаардлага хүргүүлж буйгаа мэдэгдсэн юм. ХЭҮК-ын гишүүд өчигдөр ХӨСҮТ, Өргөө амаржих газарт ажиллажээ.  Цар тахлын үед эмчилгээ болон тусгаарлалтын арга хэмжээг авахдаа хүнлэг байх, хүний наад захын биологийн болон нийгмийн хэрэгцээ шаардлагыг хангах, халдвар авсан иргэнийг тусгаарлах ажиллагааг гүйцэтгэж буй албан хаагчдад хүний эрхийн мэдлэг ойлголт өгөх сургалтад хамруулах ажлыг үр дүнтэй зохион байгуулах, хүний эрхийн зөрчил гаргасан, амаржсан эхтэй хүнлэг бус харьцсан. Ийм нөхцлийг бүрдүүлсэн, заавар чиглэл өгсөн холбогдох албан тушаалтанд хариуцлага тооцох  талаар шаардлага хүргүүлж байгаа аж. 

19:00 цаг: 
Өчигдөр өрнөсөн үйл явдалтай холбоотойгоор УОК-ын дарга, Шадар сайд Я.Содбаатар, Эрүүл мэндийн сайд Т.Мөнхсайхан нар шуурхай хурал хийж  өргөдлөө өгч буйгаа мэдэгдсэн юм. 
УОК-ын дарга Я.Содбаатар “Үүссэн нөхцөл байдалтай холбогдуулж УОК-ын удирдлага огцорч байна. Өчигдрийн үйл явдалд гүнээ харамсаж, чин сэтгэлээсээ мэдэгдэл гаргасан юм. Шууд миний хариуцаж байсан асуудал биш ч гэлээ хүнлэг бус, сэтгэлгүй хүмүүс Монголын төрд цөөн ч гэсэн байгаад харамсаж байна. Хариуцлагатай албанд томилсон Ерөнхий сайд, ард иргэдээсээ уучлалт хүсч байна. Хариуцсан салбар, даалгасан ажлыг чин сэтгэлээсээ зүтгэж гүйцэтгэлээ. 
COVID-19 цар тахлыг дотооддоо алдалгүй 10 сарыг бид өнгөрөөсөн. Үүний таван сар нь шинэ Засгийн газрын ажил байсан. Алдаатай оноотой ч COVID-19 цар тахлын эсрэг тэмцсэн миний тэмцэл, манай багийн тэмцэл стратегийн том алдаа гаргаагүй гэдгийг цохон тэмдэглэе. Бид дэлхийд COVID-19 цар тахалтай хамгийн амжилттай тэмцэж буй таван улсын нэг болж байгаа.Тун удахгүй COVID-19 халдварын вакциныг оруулж ирж бүх иргэнээ дархлаажуулна.Энэ хүнд цаг үед галын фронтод ажилласан эмч ажилтнууд, мэргэжлийн хяналт, онцгой, тагнуул, орон нутгийн онцгой комисст Монгол Улсын Засгийн газар, УИХ-д бас хамтран ажилласанд талархаж байна. Албан тушаалаасаа огцорч байгаа өргөдлөө өнөөдөр хуулийн дагуу Ерөнхий сайдад хүргүүлж байна. Хуулийн дагуу шийдвэрлэх байх гэж бодож байна. Дахин ард иргэдээсээ уучлал хүсч байна” гэв. 
Эрүүл мэндийн сайд Т.Мөнхсайхан “Дэлхий нийтийг хамарсан цар тахлаас ард иргэдээ сэргийлэхийн тулд хоёргүй сэтгэлээр зүтгэлээ. Үүний үр дүнд өнгөрсөн хугацаанд халдварын дэгдэлтийг хохирол багатайгаар даван туулсан. Эрүүл мэндийн салбарт олон жил бугшсан буруу тогтолцоог өөрчлөхийн тулд бүх хүчээ дайчлан ажиллалаа. Тодорхой үр дүн гарсан. Эрүүл мэндийн салбарт 57 мянган ажилтан бий. Хэдхэн хариуцлагагүй хүний үйлдлээс болж, нийт салбарынхны хүчин зүтгэлийг үгүйсгэж болохгүйг хэлмээр байна. Эрүүл мэндийн сайдын хувьд албан үүргээсээ чөлөөлөгдөх хүсэлтээ Ерөнхий сайдад уламжлах болно” гэлээ.

Эх сурвалж: "Зууны мэдээ"  сонин 2021.1.21 ПҮРЭВ № 15 (6492 )

Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

1 цаг 25 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

1 цаг 35 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

1 цаг 40 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

1 цаг 40 мин
Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

16 цаг 37 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

17 цаг 4 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

17 цаг 7 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

17 цаг 10 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

17 цаг 14 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

17 цаг 31 мин