• Зууны мэдээ сонин онлайн захиалга

“Хонгконгын эрх баригчдыг хүний эрхийг хүндэтгэхийг уриалж байна”

2021-01-10 17:00

 

Б.ДОЛЖИНЖАВ

Хятадын улсын шинээр баталсан үндэсний аюулгүй байдлын тухай хуулийг зөрчсөн гэсэн шалтгаанаар Хонгконгийн 50 гаруй ардчиллын төлөө тэмцэгчдийг баривчилсан талаар бид өмнө нь мэдээлж байсан. Тэгвэл энэ үйлдлийг хүний эрх чөлөөг зөрчсөн үйлдэл хэмээн үзэж Хятадыг буруутгаж байгаагаа АНУ, Канад, Их Британи, Австрали гэсэн  хэд хэдэн улсын Гадаад хэргийн сайд мэдэгдлээ.

Тухайлбал, Австралийн Гадаад хэргийн сайд Марисе Пайне “Үндэсний аюулгүй байдлын хуулийг  эрх баригчдын эсрэг үзэлтэй, бодлогыг нь шүүмжилдэг хүмүүсийг багасгах зорилгоор баталсан нь тодорхой.  Бид Хонгконг болон Хятадын эрх баригчдыг хууль ёсоор баталгаажуулсан хүний эрх, эрх чөлөөг хүндэтгэхийг уриалж байна. Иргэд баривчлагдах, хоригдох айдасгүйгээр үзэл бодлоо илэрхийлэх эрхтэй” хэмээн мэдэгдэлдээ дурджээ.

Эх сурвалж:Reuters               

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.