• Зууны мэдээ сонин онлайн захиалга

БНСУ-ын Ерөнхий сайд иргэдээсээ уучлалт гуйлаа

2021-01-08 16:15

 

Б.ДОЛЖИНЖАВ

Өмнөд Солонгосын Үндэсний ассамблей цар тахлын шинэ хувилбараас урьдчилан сэргийлэх талаар өнөөдөр  /2021.01.08/  шуурхай хуралдаан зохион байгууллаа. “Сүүлийн өдрүүдийн халдварын тохиолдлоос харахад цар тахлын гуравдугаар давлагаатай нүүр туллаа. Гэхдээ  үүнийг даван туулж чадлаа”  гэж эрх баригчид мэдээлжээ.

Тухайлбал, тус улсын Ерөнхий сайд Чун Сэ Кюн “Халдварын гуравдугаар давлагааны оргил үеийг бид давсан ч  болгоомжтой байхыг анхааруулж байна. Хатуу хөл хориог баримталсны хүчинд  халдварын тоо буурч байна” гэв.

Сөүл хотын Донбу цагдан хорих төвд арванхоёрдугаар сарын 14-нд халдвар тархаж, өнөөдрийн байдлаар 1207 хүн халдвар авч, гурван хоригдол нас барсан байна. Үүнд Засгийн газар хариуцлагатай хүлээх ёстойг Чун Сэ Кюн хэллээ. Тэрээр “Би болон Засгийн газрын бусад гишүүд халдварыг тараасандаа та бүхнээс уучлалт гуйж байна. Засгийн газар тохиромжтой хугацаанд зөв арга хэмжээ аваагүйнхээ хариуцлагыг хүлээнэ” гэв.Солонгост өнөөдөр 674 тохиолдол шинээр нэмэгдсэн байна.

Эх сурвалж:Yonhap

 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ