• Зууны мэдээ сонин онлайн захиалга

“Жулиан Ассанжийг АНУ руу шилжүүлвэл амиа хорлоно”

2021-01-05 18:46

 

Б.ДОЛЖИНЖАВ

Лондонгийн шүүх WikiLeaks” сайтын үүсгэн байгуулагч Жулиан Ассанжийг эрүүл мэндэд нь аюул учирна гэсэн шалтгаанаар АНУ руу шилжүүлэх боломжгүй гэж мэдэгдлээ.  Лондонгийн Эрүүгийн хэргийн төв шүүхийн шүүгч  Ассанж сэтгэцийн эмгэгтэй учир гэртээ ганцаараа байхдаа сэтгэл гутралд орж амиа хорлож болзошгүй гэдгийг шүүхийн тогтоолдоо дурджээ. Энэ удаагийн шүүх хурлаар Лондонгийн шүүх түүний буруутай эсэхийг хэлэлцээгүй. Харин АНУ руу шилжүүлсэн тохиолдолд хэргийг шүүх юм. 

Хэргийг эргэн сануулвал, Жулиан Ассанж их хэмжээний нууц баримтыг  WikiLeaksсайтад дэлгэн тавих болсноос хойш эрэн сурвалжлагдаж эхэлсэн. Мөн  2019 онд АНУ түүнийг тагнуулын тухай хууль зөрчиж, нууц баримт агуулсан компьютерыг хакердсан  хэрэгт буруутгасан юм.

Эх сурвалж:BBC

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.