• Зууны мэдээ сонин онлайн захиалга

2020 онд Роналду хамгийн олон гоол оруулжээ

2021-01-05 08:36

Э.БЭРЦЭЦЭГ 

Италийн “Ювентус” багийн португал довтлогч Криштиану Роналду 2020 онд өрсөлдөгчийнхөө хаалганд 33 гоол оруулжээ. Ингэснээр тэрээр Европын Топ таван лигтээ улирч буй онд хамгийн олон гоол оруулсан тоглогч болсон байна. Мөн Германы “Бавари” багийн польш довтлогч Роберт Левандовски 32 гоол оруулсан үзүүлэлтээр хоёрт орсон байна.Италийн “Лацио”-гийн Чиро Иммобиле 28, Английн “Ливерпүүл”-ийн египет довтлогч Мохамед Салах, Дортмундын “Борусси” багийн Эрлинг Холанд нар 23 гоол оруулсан амжилтаар дугаарлажээ. Харин 11 метрийн торгуулийн цохилтоос оруулсан гоолыг оруулахгүйгээр тооцвол Роберт Левандовски 27 гоол оруулсан аж. Э.Холанд (22), К.Роналду (20), Ч.Иммобиле (18), М.Салах (18), Сон Хын Мин (Тоттенхэм 17) нар араас нь оржээ.

Эх сурвалж: "ЗУУНЫ МЭДЭЭ" СОНИН 2021.1.5 МЯГМАР № 2 (6479)

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.