2021 онд болох хамгийн сэтгэл хөдөлгөм 20 үйл явдал

2021-01-02
Нийтэлсэн: Админ
 7 мин унших

 

Б.ДОЛЖИНЖАВ

Цар тахлын улмаас 2020 оныг бид тун гунигтай, нам гүм үдсэн ч шинэхэн 2021 онд биднийг олон сайхан гайхалтай үйл явдал хүлээж байна. Өнгөрсөн онд цуцлагдсан томоохон арга хэмжээнүүд энэ жил болно. Бас бид жирийн амьдралын хэв маягтаа шилжиж, бие биенээ хүссэнээрээ тэвэрч, олноороо цугларч цагийг зугаатай өнгөрөөнө гэдэгт итгэлтэй байна. Ингээд 2021 онд болох хамгийн чухал, сэтгэл хөдөлгөм 20 үйл явдлын талаарх мэдээллийг хүргэж байна.

1.Токиогийн олимп

Тахлын улмаас хойшлогдсон хамгийн чухал, дэлхий нийтийг хамарсан үйл явдлын нэгдүгээрт Токиогийн олимп орно. Ирэх долдугаар сард болох энэ олимпыг олон мянган тамирчнаас гадна олон сая үзэгч тэсэн ядан хүлээж байна. Өмнөх жилүүдийг бодвол илүү энгийн, цөөн хүнтэй болно хэмээн таамаглаж байгаа боловч шинэ оны хамгийн чухал үйл явдлын нэг яахын аргагүй мөн.

2. Eurovision дууны тэмцээн

Хамгийн их эрч хүчтэй, цоглог хүмүүс нэг дор цуглардаг, хамгийн том хөгжмийн шоу, тоглолтуудыг үгүйлж байна уу.  Энэ он хүртэл хойшлогдсон тоглолтуудаас хамгийн алдартай нь Нидерландын Роттердам хотод тавдугаар сард болох “Eurovision Song Contest” юм.

3. НАСА-гийнхан Ангараг гариг дээр бууна

НАСА-гийн цуцашгүй аялагч хоёрдугаар сард Ангараг гариг  руу нисч, тэндхийн шинэ оршин суугч болно. Энэ аялагч болон Ангараг гаригийг судлагчид тэнд дэлхий шиг амьдрал байгаа гэдэгт огт эргэлзэхгүй байгаа юм.

4.Аялал болон олон нийтийн цугларалт

Гэрээсээ гарч, гадуур гарах нь таны хувьд онцгой үйл явдал гэдэгтэй та санал нийлж байна уу. Эсвэл цар тахал алга болохоор очихоор төлөвлөсөн олныг хамарсан үйл ажиллагаа бий юу. Вакцин бэлэн болчихсон учир энэ онд найзуудтай хамтдаа цагийг хөгжилтэй өнгөрүүлнэ гэдэгт итгэлтэй байна.

5. COVID-19 эсрэг бүх нийтийн дархлаажуулалт

Цар тахлын аюулаас сэргийлэхийн тулд бүх хүнийг вакцинд хамруулах нь хамгийн чухал үйл явдал юм.  Олон улс оронд вакцинжуулалт эхэлж, шинэ шинэ вакцинуудад зөвшөөрөл олгож эхэлсэн сайхан мэдээгээр шинэ оныг угтлаа.

6. Европын аварга шалгаруулах хөлбөмбөгийн тэмцээн

Дөрвөн жилд нэг удаа болдог Европ тивийн аварга шалгаруулах хөлбөмбөгийн “UEFA Euro Championship  тэмцээн 2020 онд болохын сацуу, 60 жилийн түүхэн ой тохиох байв.  Гэхдээ санаа зовох хэрэггүй ээ. Энэ зун дэлхийн 12 оронд  шилдэг тамирчдын дунд ширүүн өрсөлдөөн өрнөх болно.

7. T20 Крикетийн ДАШТ

Олон улсын крикетийн эрэгтэйчүүдийн аварга шалгаруулах T20 Cricket World Cup” Энэтхэгт 2020 онд болох байсан ч  хойшлогдсон билээ. Дэлхийн топ 10 спортын төрөлд багтдаг крикет нь бөмбөг, цохиур ашиглагдаг багийн спорт юм.  XVI зууны үед Английн өмнөд хэсэгт үүсч,  XVII зууны сүүл үе гэхэд үндэсний спортын нэг төрөл болсон.

Тоглолтын дүрэм: 11 хүнтэй хоёр баг зүлгэн талбайд тоглоно. Талбайн  голд тэгш өнцөгт тавцан байдгийг питч буюу pitch гэж нэрлэдэг. 20 м-ээс томгүй, 3 м-ээс өргөнгүй, эндээс саваагаар бөмбөгийг цохиж тоглолтонд оруулдаг. Бөмбөгийг цохиж тоглолтонд оруулсан баг нь оноо авахын тулд гүйх, эсрэг баг нь оноо алдахаас сэргийлж хамгаалах нэг ёсондоо бейсболлын спорттой адилхан.

8. Walt Disney World”-ийн 50 жилийн ой

Хүүхэд багачуудын хамгийн нандин дурсамжийг хадгалсан “Walt Disney World”-ийн 50 жилийн ой аравдугаар сарын 1-нд болно.  Тиймээс цэцэрлэгт хүрээлэндээ олон олон шинэ тоглоомуудыг бүтээхээр төлөвлөсөн байна.

9.Уур амьсгалын өөрчлөлтийн эсрэг шинэ бодлого

Дэлхий нийт 2020 онд уур амьсгалын өөрчлөлтийг бууруулах олон ажил төлөвлөсөн ч хийж  чадсангүй. Гэхдээ энэ жил илүү олон үр бүтээлтэй ажлыг хийх болно. Тухайлбал,  Европын холбоо нүүрстөрөгчийн ялгаруулалтыг бууруулахын тулд хэдэн тэрбум төгрөг төсөвлөжээ. Дэлхийн хамгийн том бохирдуулагч орон Хятад нүүрсхүчлийн хийн ялгаруулалтыг 2060 он гэхэд  бууруулна гэв. Харин Япон, Өмнөд Солонгос, Канад улс чулуужсан түлшний хэрэглээгээ бууруулах төлөвлөгөө баримтална. Бас нэгэн онцлох үйл явдал нь НҮБ-ын Уур амьсгалын өөрчлөлтийн бага хурал арваннэгдүгээр сард Шотландад болно.

10. Ерөнхийлөгчийн тангараг өргөх ёслол

АНУ-ын Ерөнхийлөгч Жо Байден тангарагаа өргөж, үүрэгт ажлаа албан ёсоор хүлээн авах ёслолд бүгд анхаарлаа хандуулна гэдэгт итгэлтэй байна. Мөн Камала Харрис хэмээх өнгөт арьстай эмэгтэй, тус улсын анхны эмэгтэй  дэд ерөнхийлөгч болсныг онцлууштай. Байдены тангараг өргөх ёслол энэ сарын 20-нд болно.

11.Шинэ телевизийн шоунууд

Хэрэв та  Netflix”-д бүртгэлтэй бол энэ жил огт уйдахгүй. Удаан хүлээлгэсэн "Friends" цувралын үргэлжлэл гуравдугаар сард гарна.  Мөн "Cowboy Bebop" хэмээх орчин үеийн анимэг үзэгчдээ хүргэхээс гадна сая сая шинэ шоу, нэвтрүүлгийг та үзэх болно.

12.Шинэ кинонууд

2021 онд гайхалтай олон кино таныг хүлээж байна. Тухайлбал,  “Намайг нэрээрээ дууд” хэмээх киногоороо алдартай Timothee Chalamet-ийн тоглосон "Dune", Billy Porter-тэй "Cinderella", Eddie Murphy-тай "Coming to America" гэсэн сэтгэл татам сайхан кинонууд нээлтээ хийнэ.

13.Том Круз “сансарт ниснэ”

Америкийн алдарт жүжигчин, продюсер Том Круз "Top Gun: Maverick" кинонд дүр бүтээхээс гадна сансарт зураг авалтаа хийх кинонд ажиллахаар болжээ. Түүнийг энэ дүрээ бүтээхэд нь НАСА болон Элон Маскын бүтээсэн SpaceX пуужин туслах болно.

14. 6G сүлжээ

Өнөөдрийг хүртэл та 4G, 5G, 6G сүлжээний талаар ямар нэгэн зүйл сонсоогүй юм биш биз. Эдгээр нь таны гар утсаараа интернеттэй холбогдох харилцаа холбооны түвшинг илэрхийлж байгаа юм. Саяхан дэлхий 5G сүлжээний хурдыг шагшиж, сэтгэл нь хөдөлж буйгаа илэрхийлж байсан. Тэгвэл Япон ба Солонгост аль хэдийн 6G сүлжээ нэвтэрчээ. Энэ нь яг одоо үед алсын зайнаас суралцах, ажиллах чадварыг улам хөнгөлсөн юм.

15. Хаа сайгүй хиймэл оюун ухаан

Техник техологийн хөгжил 2021 онд улам хүрээгээ тэлж, хиймэл оюун ухаан бүр олон салбарт нэвтрэх нь ойлгомжтой. Тухайлбал, анагаах, шинжлэх ухааны салбарт хиймэл оюун ухааныг  ашиглаж эхэлнэ гээд төсөөлөөд үздээ. Түүнчлэн хиймэл оюун ухааныг ашиглахад үүсч байгаа асуудлыг шийдвэрлэх компаниуд шинээр байгуулагдах болно.

16. Дроны хүргэлтийн үйлчилгээ

-Walmart, Amazon, UPS гэсэн худалдааны компаниуд таны барааг дроноор гэрт тань хүргэвэл бүү гайхаарай. Түүнчлэн Холбооны нисэхийн захиргаа саяхан дроныг үндэсний агаарын системд нэгтгэж,  нисгэгчгүй онгоцыг үйлчилгээнд явуулах шинэ дүрэм гаргажээ.

17. Английн хатан хаан 95 хүрнэ

Хоёрдугаар Элизабет хатан хаан энэ оны дөрөвдүгээр сарын 21-нд 95 нас хүрнэ. Тэрээр ингэснээр Британийн түүхэн дэх хамгийн урт насалсан хатан хаан болж байгаа юм. Энэ бол гайхалтай үйл явдал яахын аргагүй мөн.

18. Хамгийн их хүлээж буй концерт

-2021 онд Spice Girls World Tour” 25 жилийн ойн аялан тоглолт, “The Doobie Brothers”-ийн 50 жилийн ойн аялан тоглолт долдугаар сард болохоос гадна  Celine Dion, Guns N' Roses, Harry Styles болон олон уран бүтээлч тоглолтоо хийх юм байна.

19. Шинэ цомогнууд

Evanescence, Kendrick Lamar, Kacey Musgraves, Lorde, Cardi B, Adele, the Foo Fighters and The Cure нар бүгд энэ жил шинэ цомгоо гаргана.

20. Тэврэлт

Тэврэлт бол энэ жилийн онцлох үйл явдалд яахын аргагүй багтана.

Эх сурвалж:CNN

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

9 цаг 55 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

10 цаг 22 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

10 цаг 25 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

10 цаг 28 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

10 цаг 32 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

10 цаг 49 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

16 цаг 57 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

17 цаг 3 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

17 цаг 8 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

17 цаг 18 мин