Б.НАМУУН

Дэлхий даяар шинэ жилээ угтан авахаар бэлтгэн буй энэ цаг мөчид ер бусын 10 сүлд модыг танилцуулж байгаадаа таатай байна. Мөнх ногооноороо байдаг гацуур модыг хэрхэн хэзээнээс чимэглэж ирсэн элдэв цуу яриа олон байдаг. Мартин Лютер өвлийн ойгоор явж байгаад модод цасан ширхэгээр хучигдан, сарны гэрэлд гялалзан буйг ажиглан сэтгэл нь ихэд хөдлөөд гэртээ гацуур мод авчран лаагаар чимэглэснээр анх зул сарын баяраар сүлд мод засч эхэлсэн гэсэн яриа ч байдаг.

Бага насны хүүхэдтэй айлд уламжлалт гацуур модыг засах нь тохиромжтой ч ер бусын байдлаар засахыг хүсвэл доорхи гацуур моднуудаас санаа авч болох юм.

10. Усан доорхи сүлд мод

Филиппиний нийслэл Манила хотын далайн паркад усан доор байрлах сүлд модыг засчээ. Бүр Санта Клаус, лусын дагина бүхий үзүүлбэрүүдээр үзэгчдээ хөгжөөмсөн байна.

9. Ундааны лаазаар хийсэн сүлд мод

Холоос харвал жирийн сүлд мод шиг харагдах авч ойртоод харвал Mountain Dew ундааны хоосон лаазаар хийснийг харж болно. Үүнийг хийхэд 400 ширхэг Mountain Dew ундааны лааз, PVC хоолой, мөчрийг татах төмөр утас зэрэг хэрэг болно. Модыг Дэвид Баршоу хэмээх хүн 3 найзын хамт дөрвөн өдрийн турш урласан байна.

8. Уруугаа харсан сүлд мод

Уруугаа харсан сүлд мод засах нь хөгжилтэй, бүтээлч зүйлс сонирхдог хүмүүсийн дунд багагүй түгээд байгаа гэнэ. Бүр Дундад зууны үеэс засч эхэлсэн гэж үздэг байна. Зүүн Европын иргэд ингэж засах нь Христийн шашны ариун гурвалыг илтгэдэг гэж үздэг. Өнөөдөр ингэж засахын тулд таазандаа бэхлэх юмуу тусгай суурин дээр суурилуулдаг байна. Ингэхэд бид уруугаа харсан дэлхийд амьдарч байгаа ч юмуу?

7. Төмсөн сүлд мод

Төмсөөр хийсэн сүлд модыг 2007 оны Зул сарын баярын үеэр Перугийн Лимад хотод үзүүлж байжээ. Оюутнууд бараг 100 кг орчим төмсөөр үүнийг урласан бөгөөд сонирхол татаж байгаа нь Андын нурууны Аймара үндэстний хүмүүс далайн түвшнээс дээш 4000 метрийн өндөрт 2000 гаруй төрлийн төмс тарьдаг байна. “Шилдэг хар бүсгүй”, “Бэрээ уйлуул”, “Шилдэг улаан бүсгүй”, “Бугын цагаан хэл адил”, “Хувхай яс шиг”, “Улаан сүүдэр” зэрэг зарим сортын төмсийг уг ер бусын сүлд модыг засахад ашиглажээ.

6. LED сүлд мод

2008 оны өвлийн турш Ирландын Даблин хотын тэнгэрийг 18 м өндөр LED гэрлэн сүлд мод чимэглэж байлаа. Таван тонн жинтэйн дээр янз бүрийн хэмжээ бүхий 100.000 ш гэрлийн шилийг ашиглагдсан байна. Blachere хэмээх гэрлийн чимэглэл хийдэг байгууллага үүнийг хийсэн байна.

5. Swarovski сүлд мод

Дэлхийн шилдэг болор үйлдвэрлэгчдийн нэг Swarovski энэ жил чамин тансаг сүлд моддыг танилцуулав. Тэдний нэг нь 2000 Swarovski болроор хийгдсэн сүлд мод юм. Энэ модыг Тайландын Сиам Парагон худалдааны төвд байруулсан байна.Мөн Швейцарийн Цюрих хотноо 7000 гаруй болроор хийсэн сүлд мод ч байдаг байна. Үүнийн зорилго нь тус компанийн бүтээгдэхүүн, шинэ санаачлагуудыг сурталчилахад оршдог аж.

4. Мураногийн шилэн сүлд мод

Италийн Мурано арал шилэн эдлэл үйлдвэрлэгчдийн диваажин юм. Сонин сайхан өнгө, өвөрмөц загвар, зуу зууны уламжлалт үлээх технологи нь 1000 гаруй жилийн түүхтэй бөгөөд Мураногийн шил нь урлагийн ертөнцөд Италичуудын оруулсан хамгийн үнэт өвийн нэг хэвээр байгаа юм. 2006 ны арванхоёрдугаар сард тус шилээр хийсэн хамгийн өндөр сүлд модыг Муранод зассан бөгөөд дараа жил нь Венецийн Сэнт Маркийн талбайд зассан байна.

3. Байгальд ээлтэй сүлд мод

Хамгийн “галзуу” сүлд мод нь дахин боловсруулсан усны сав, PVC хоолойгоор хийгдсэн байгальд ээлтэй сүлд мод ажээ. Үүнийг хийсэн зорилго нь дахин боловсруулалтад хүмүүсийн анхаарлыг хандуулахад чиглэсэн байна. Нэг хүний хог нөгөө хүд баялаг нь болно гэсэн хэлц үг үнэн болж таарах нь.

2. Очир эрдэнэ сүлд мод

Soo Kee Jewellery хэмээх газар очир эрдэнээр сүлд мод засах санааг сэджээ. Хэдэн сая доллараар үнэлэгдэх уг мод нь дэлхийн хамгийн үнэтэй сүлд мод юм. 913 карат очир эрдэнэ, 3762 болор шигтгээ, 500 гаруй гэрлээр чимэглэгдсэн уг сүлд мод нь 3000 орчим кг жинтэй. 2017 оны үнэлгээгээр 1.550.000 ам.долларын өртөгтэй байжээ.

1. Шоколадан сүлд мод

Энэ сүлд мод амттай харагдаж байна уу. Францын шоколад үйлдвэрлэгчид гайхалтай хүмүүс. Францын Patrick Roger 10 метрийн өндөртэй шоколадан сүлд модыг урлажээ. Нэг сарын турш энэ модыг “чимэглэл” дээр ажилласан бөгөөд 4 тн жинтэй. Модтой хамт Санта Клаусыг бугатай нь хамт урласан байна.

Танд шинэ оны баярын мэнд хүргэе.