Х.ОЮУНБОЛД

Ерөнхийлөгч Владимир Путин цусны хорт хавдраар өвчилсөн есөн настай хүүгийн хүслийг биелүүлж Улаан талбайн гулгалтын мөсөн талбайд хоккейн хамтарсан бэлтгэл зохион байгуулжээ. Челябинск хотод амьдардаг Дима Ащепков Улаан талбайд очих, мөсөн гулгалтын талбайд гулгах, ерөнхийлөгчийн хаана ажилладгийг харахыг хүсдэг байсан гэнэ. Тиймээс Владимир Путин хүүд хүслийг биелүүлдэг шинэ жилийн мод компанит ажлын хүрээнд гулгахаар хамт явна гэж амласан байжээ. Харин Владимир Путин бэлтгэлээ хийж эхлэхийн өмнө хүүгээс Москвад юу үзснийг асуусан байна.

Дима Ащпеков “Аавтайгаа ВДНХ үзэсгэлэн худалдаа, амьтны хүрээлэн, Эх орончдын цэцэрлэгт хүрээлэн, Кремлийн ордон”-д очиж, хотын олон газраар явсан гэжээ. Дараа нь ерөнхийлөгч хүүд хоккейн олон аргыг үзүүлсэн аж. Түүнээс гадна Дима Ащепков дасгалжуулагчийн хамт шайбыг хаалга руу цохиж оруулах олон техникийг заалгасан байна.

Эх сурвалж: “Зууны мэдээ” сонин

2020.12.24 ПҮРЭВ № 247, 248 (6472, 6473)