Ч.ОЛДОХ

Орхон аймгийн бүсийн оношилгоо, эмчилгээний төвийн их эмч Т.Цэрэнтогтох ямар хүмүүс Covid-19-ийн халдвар авах эрсдэлтэй вэ. Халдвар авсан тохиолдолд ямар хүмүүс хүндэрч,  ямар нь  амархан эдгэж  байгаа талаар  судалгаа хийснээ танилцуулсан юм. Түүний зөвлөгөөг хүргэж байна. 

1. Covid-19 гарснаас хойш дэлхий  нийт нэг зүйлийг сайн мэдэж авлаа. Энэ бол  витамин D-гийн хэрэглээ нь вирусын эсрэг болоод хамгаалах нөлөө  нь өндөр байдаг. АНУ, Испани, Канадын судалгаанд үндэслэн витамин D-гийнхэрэглээ өндөр буюу хангалттай  хэмжээнд байх нөхцөлд тухайн хүн өвчлөх магадлал бага, өвдсөн ч  амархан эдгэх  боломжтой. Иймд витамин D-гийн хэрэглээг нэмэгдүүлэх нь зүйтэй. 

2. Монголчуудын 98 хувь нь витамин D-гийн дутагдалтай байна. Монголчууд өвлийн улиралд витамин  D-гийн хэрэглээ нь 8 нанограм буюу мл байдаг. Энэ нь маш бага үзүүлэлт юм. Уг нь энэ үзүүлэлт 30 байх ёстой бөгөөд монголчуудын дундаж үзүүлэлт 8 байдаг гэсэн үг юм. Иймд халдвараас хамгаалах эхний алхам нь витамин D-гийн хэрэглээг нэмэгдүүлэх буюу хангалттай хэмжээнд авах юм. 

3. Хүн хоногт  витамин D-гийн хэрэглээг 2000-2500 орчим, хөхүүл болон таргалалттай хүмүүс  хоногт дээд тал нь  4000 хүргэх% хүүхэд 2-оос дээш насанд 1000,  нярай  болон хоолонд орж байгаа хүүхдийн хэрэглээ 500  байх ёстой.  Ингэхдээ хэт ихээр хэрэглэж болохгүй.  Витамин D-гийн илүүдэл нь бас сайн зүйлд хүргэхгүй. 

4. Витамин С –г хэрэглэх нь  халдвар авах эрсдлийг багасгахгүй гэсэн тодорхой судалгаа алга. Харин халдвар авсан тохиолдолд эдгэх хугацааг богиносгох болно гэсэн АНУ, Испанийн судалгаа байна. Ялангуяа хүнд өвчтэй хүмүүс Витамин С –г өнпөр тунгаар хэрэглэснээр өвчин эдгэх хугацааг богиносгож байгааг Испанийн судлаачид гаргасан байна. 

5. Цайр, витамин С, витамин D нь эсийн дотор орж, дархлааны Т эсэд ихээр нөлөөлдөг. Гэтэл монголчуудад дутагдалтай байдаг.  Витамин С, витамин  D нь уушгины нөхөн  төлжих үйл ажиллагаа, судасны бүрэн бүтэн байдлын үйл ажиллагаанд сайнаар нөлөөлдөг учраас  хамгаалалт болж  үрэвсэл гаднаас орж ирэхэд эдгэх явцыг хурдасгадаг. Цайрыг загас, далайн гаралтай бүтээгдэхүүнээс илүүтэй авдаг. Гэтэл монголчуудад дутмаг. Цайрын  өндөр хэрэглээтэй байх нь корона вирусын үед эдгэхэд чухал нөлөөтэй. Хүн хоногт 10 мгр цайр авах хэрэгтэй. 

6. Буруу зуршил, муу дадал нь өвчин эмгэг үүсгэж байдаг. Хүний дархлаанд хоол, дасгал, нойр чухал хэрэгтэйг санах хэрэгтэй. 

Эх сурвалж:www.polit.mn