• Зууны мэдээ сонин онлайн захиалга

Хөл хорионы үед цахим залилангаас сэргийлээрэй

2020-11-20 19:02

Б.НАМУУНТАМИР

COVID-19-ийн цар тахлын нөхцөлд гамшгаас хамгаалах бүх нийтийн бэлэн байдал зарлаж, цахимаар төлбөр тооцоогоо хийж буй нөхцөлд цахим хэтэвч, цахим гүйлгээний аюулгүй байдалд анхаарч, эрсдэлээс урьдчилан сэргийлэх хэрэгтэй болж байна. Жишээ нь, хөл хорио тогтоосноос хойш цахимаар мөрийтэй тоглох, худалдахыг хориглоод буй архи, согтууруулах ундаа борлуулах зэрэг зөрчил ихэссэн. Энд хуулийн болон цагдаагийн байгууллага, мэргэжилтнүүд аливаа цахим мэдээлэлд итгэхгүй байх, төлбөр тооцоог цахимаар хийхдээ албан ёсны байгууллагад мөн онлайнаар хандан дамжуулж хийж байх талаар Монголбанк болон ЦЕГ-аас анхааруулж байна.
Статистик мэдээллээр манай улсад залилангийн гэмт хэрэг сүүлийн дөрвөн жилд тогтмол өсөж, 2017 онд улсын хэмжээнд 2996, 2018 онд 5372, 2019 онд 7821 болж нэмэгджээ. Санхүүгийн залилан, луйврын шинжтэй гэмт хэргийн улмаас иргэд, ААН-д учирсан хохирлын хэмжээ 2016 онд 2 тэрбум орчим төгрөг байсан бол 2017 онд 6.4 тэрбум, 2018 онд 9.9 тэрбум төгрөгт хүрч, өнгөрсөн онд 13 тэрбум төгрөг болж нэмэгдсээр байна.

Эх сурвалж:www.polit.mn
 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ