• Зууны мэдээ сонин онлайн захиалга

Дотоодод 35, зөөвөрлөгдсөн халдвар хоёроор нэмэгдлээ

2020-11-20 11:24

С.САРУУЛ

2020 оны арваннэгдүгээр сарын 20-ны 11:00 цаг

Эрүүл мэндийн яамны ээлжит хэвлэлийн хурлын үеэр халдварын нөхцөл байдлыг танилцууллаа. ХӨСҮТ-ийн Тандалт, судалгааны албаны дарга А.Амбасэлмаа “Арванэгдүгээр сарын 19-нд улсын хэмжээнд 3625 шинжилгээ хийхэд 3588 хүний шинжилгээнд халдвар илрээгүй. Өмнөд Судан улсад үүрэг гүйцэтгээд ирсэн эхнийг сахиулагчдын гурав дахь давтан шинжилгээг хийхэд нэг хүнээс халдвар илэрлээ.

Алтанбулаг боомтоор энэ сарын 16-нд орж ирсэн ТИР машины жолооч нэг иргэний шинжилгээнд халдвар илэрсэн. Өчигдөр орой 17:00 цагт мэдээлэл хийснээс хойш Улаанбаатарт шинээр 15 тохиолдол бүртгэгдэж, нийт тохиолдлын тоо 33, Сэлэнгэ аймагт 10 тохиолдол шинээр бүртгэгдэж, нийт тохиолдлын тоо 51, Дархан-Уул аймагт 5 тохиолдол шинээр бүртгэгдэж, нийт тохиолдлын тоо 16, Дорноговь аймгийн Айраг суманд 1, Замын-Үүд суманд 4 тохиолдол шинээр батлагдаж, нийт тохиолдлын тоо зургаа боллоо. Урд шөнө  37 тохиолдол шинээр бүргэгдсэний 2 нь зөөвөрлөгдсөн бол дотоодын халдвар 35-аар нэмэгдлээ. Улсын бүртгэгдсэн дотоодын халдварын тоо 120 болж байна" гэв.
Эх сурвалж:
www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ