Б.ДОЛЖИНЖАВ
Хүүхэд насны минь хамгийн нандин дурсамжийг бүтээж, адал явдал, ид шидийн гайхамшгийг мэдрүүлсэн кино бол яахын аргагүй “The Stranger Things” билээ. Энэ киноны гол дүрд тоглосон бага ангийн хүүхдүүд одоо бүгд өсч, алдартай жүжигчид болжээ. Тэдний төлөөлөл бол Милли Бобби Браун буюу бидний мэдэх ид шидтэй, ер бусын чадвартай охин “Eleven” юм. Тэрээр 12 настай байхдаа “The Stranger Things”-ийн “Eleven”-ний дүрийг бүтээж Эмми Авардсын шагнал хүртэж байсан юм.
Энэ жил есдүгээр сард нээлтээ хийсэн “Netflix”-ийн бас нэгэн цуврал “Enola Holmes”-д тоглосон тэрээр тун удахгүй “Netflix”-ийн бас нэгэн уран зөгнөлт, адал явдалтай “Damsel” хэмээх кинонд дүр бүтээхийн сацуу ерөнхий продссерээр нь ажилласан байна. Өмнө нь тэрээр “Enola Holmes”-ийн продюссерээр ажиллаж байсан туршлагатай юм. “Damsel” киноны тухай “Netflix” дэлгэрэнгүй мэдээлэл өгөөгүй ч Милли Бобби Браун “Элоди” хэмээх гүнжийн дүр бүтээсэн байна. Мөн тэрээр удахгүй нээлтээ хийх “The Girls I’ve Been” кинонд гол дүр бүтээж байгаа аж.
Өмнө нь тэрээр “Intruders”, “Modern Family”, “Grey’s Anatomy”, “Once Upon a Time”, “NCIS”, “Godzilla: King of Monsters” кинонд дүр бүтээж байсан чадварлаг жүжигчин юм. Түүний тоглосон “Godzilla vs.Kong“ кино энэ сард гарах байсан ч ирэх оны тавдугаар сарын 21 хүртэл хойшилжээ.
Эх сурвалж:Cinemablend.com
