• Зууны мэдээ сонин онлайн захиалга

Д.Трамп:Маргааныг хууль ёсны дагуу шийднэ гэдэгт итгэлтэй байна

2020-11-06 16:01

 

Б.ДОЛЖИНЖАВ

АНУ-ын сонгуульд Бүгд найрамдах намаас нэр дэвшигч Дональд Трамп Мичиган, Пеннсильваниа, Жоржиа мужид зөрчил гарсан гэж шүүхэд гомдол гаргаж, Висконсин мужийн саналыг дахин тоолохыг шаардсан юм. Энэ маргаантай холбогдуулан Дээд шүүхэд хандана хэмээн Цагаан ордон мэдээллээ. Энэ талаар Трамп “Энэ маргаан магадгүй хамгийн дээд шүүх дээр очиж дуусах байх. Хамтдаа харцгаая. Гэхдээ миний бодлоор санал хулгайлахаас өөр маргаан гарсан тул олон шүүх хурал болох байх” гэж ярьжээ. Тэрээр сонгууль болохоос өмнө шуудангийн саналд эргэлзэж буйгаа мэдэгдэж байсан юм.  Энэ тухай “АНУ-д ийм зүйл тохиолдож болохгүй. Жо Байден эсвэл би ялсан ч хамаагүй. Хамгийн чухал нь цахим саналтай холбоотой маргаан  үүсэх ёсгүй. Энэ маргаан хууль ёсны дагуу шийдэгдэнэ гэдэгт итгэлтэй байна” гэж ярьсан байна.

Тус улсын Ерөнхийлөгчийн сонгуулийн эцсийн дүн гараагүй байна.  “Associated Press”-ийн тооцоолсноор Байден 264, Трамп 214 санал авчээ. 538 сонгуулийн төлөөлөгчөөс 270 санал авсан нь ялна. 

Эх сурвалж:Tass                 

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.