Б.ДОЛЖИНЖАВ

Дэлхийн тэргүүлэгч гүрэн АНУ-ын Ерөнхийлөгчийн сонгууль энэ сарын 3-нд эхэлсэн ч өнөөдрийн байдлаар дүн нь эцэслэн гараагүй байна. Улаанбаатарын 13:00 цагийн байдлаар Жо Байден 264, Дональд Трамп 214 санал авчээ. Хамгийн багадаа 270 төлөөлөгчийн санал авсан нэр дэвшигч ялна. Одоо зургаан мужийн санал эцэслэн гарч амжаагүй байгаа юм.

Сонгуулиас гадна COVID-19-ийн халдварын тоогоороо АНУ тэргүүлж байгаа нь дэлхий нийтийн анхаарлыг татаж байна. Сүүлийн өдрүүдэд сонгуультай холбогдуулан халдварын тоо эрс нэмэгджээ. Тодруулбал, өчигдөр тус улсад 120 мянган хүн халдвар авч, 1187 хүн нас барлаа. Халдварын ихэнх нь Колорадо, Иллинойс, Утах, Висконсин мужид бүртгэгджээ. Ингэснээр тус улсад 9.9 сая хүн халдвар авч, 240 мянган хүн нас бараад байна. 

Эх сурвалж:CNN