Тойм: Шүүхийн хууль, шүүхийн шийдвэр, шүүгчид нэр дэвшигчийг буцаав

2020-11-02
Нийтэлсэн: Админ
 3 мин унших

Т.БАТСАЙХАН

 

Өнгөрсөн долоо хоногт улс төрийн хүрээнд хэд хэдэн асуудал анхаарал татлаа. Тухайлбал, Оюутолгойн ТУЗ-ийн гурван гишүүний томилгоо, Улсын дээд шүүхийн шүүгчид нэр дэвшигчдийг буцаасан асуудал, ТЕГ-ын дарга асан Б.Хурц,  Прокурорын орлогч асан Г.Эрдэнэбат нарын давж заалдах шатны хурлын шийдвэрийг онцолж байна.

 

Шүүгч нарын нэгийг нь дэмжиж, нэгийг нь буцаав

 

МАН өнгөрсөн долоо хоногт  Ерөнхийлөгчийн өргөн барьж батлуулсан, Шүүгчийн эрх зүйн байдлын тухай хуулийг хүчингүй болгохоо мэдэгдэв. ҮАБЗ-ийн зөвлөмжөөр хууль, шүүхийн байгууллагын удирдлагуудыг өөрчлөх хуулийг өнгөрсөн онд баталсан байдаг. Тэгвэл ердөө нэг жилийн дараагаас  МАН өөрсдийн кноп дарж баталсан хуулиа, үгүйсгэж, өөрчлөхөөр хөдөлж эхлэв. Үүнтэй зэрэгцэн өнгөрсөн долоо хоногт Шүүхийн ерөнхий зөвлөлөөс Улсын дээд шүүхийн шүүгчид нэр дэвшигчдийг танилцуулсан.  Байнгын хорооны гишүүд Захиргааны хэргийн давж заалдах шатны шүүхийн шүүгч Ц.Цогтыг дэмжсэн бол хуульч С.Батхүлэгийг эрх ашгийн зөрчилтэй хэмээн тодотгож,  нэрээ татахыг шаардсан юм. Энэ үеэр Хууль зүй, дотоод хэргийн сайд Х.Нямбаатар “Шүүгчийн эрх зүйн байдлын тухай хуульд хяналтын шатны шүүхийн шүүгчид тавих шаардлагад давж заалдах шатны шүүхэд таваас доошгүй жил ажилласан байх, шүүгч прокуророор 10-аас доошгүй жил ажилласан байх, хуульчдын холбооноос магадлан итгэмжлэгдсэн хууль зүйн сургуульд 10-аас доошгүй жил ажилласан байх гэдэг шаардлагуудын аль нэгийг хангасан байх ёстой юм.УДШ бол эрх зүйн хөгжүүлэлт хийдэг шүүх. Түүнээс биш компаниуд хуулийн зөвлөхөө уралдаж тавьдаг газар биш. Би Ц.Цогт шүүгч дээр ямар ч зүйл ярихгүй, дэмжиж байна. Энэ хүнд 200 хувийн санал өгч байна. Харин С.Батхүлэгийг хүлээн зөвшөөрөхгүй гэв.

 

Н.Багабанди Оюутолгойд үлдэв

 

Засгийн газраас Оюутолгойд  Монгол Улсын Засгийн газрыг төлөөлж ажиллах ТУЗ-ийн гурван гишүүнийг нээлттэй сонгон шалгаруулсан.  Гурван гишүүнийг бүгдийг нь солино хэмээн ЗГХЭГ-ын  дарга Л.Оюун-Эрдэнэ мэдэгдэж байсан нэг гишүүн нь улирахаар болжээ. Сонгон шалгаруулалт зарлахад 40 гаруй хүн материалаа ирүүлснээс Ерөнхийлөгч асан Н.Багабанди, “Аспайр Майнинг” компанийн гүйцэтгэх захирлаар ажиллаж байсан З.Ган-Очир, “Жи Пи Морган” компанид ажиллаж байсан Э.Баясгалан нар тэнцэж, Оюутолгой төслийн ТУЗ-ийн гишүүнээр томилов. Ерөнхийлөгч асан Н.Багабанди дахин сонгогдсон нь өнгөрсөн долоо хоногт олон нийтийн шүүмжлэл дагуулав. Ерөнхийлөгч асан Н.Багабандийн хувьд гурав дахь удаагаа төсөлд Монголыг төлөөлсөн ТУЗ-ийн гишүүнээр ажиллахаар болж байна. Тэрээр 2008-2012 он хүртэл мөн 2016 оны наймдугаар сараас өнөөг хүртэл тус төслийн ТУЗ –ийн гишүүнээр томилогдон ажилласан. Харин сая дахин томилсноор 2024 он хүртэл ажиллахаар болж байгаа юм .

 

Генерал Б.Хурц ялгүй үлдэж, иргэн Б.Содномдаржаа, Б.Чимгээ нар 20 жил...

 

ТЕГ-ын дарга асан  Б.Хурц, Улсын ерөнхий прокурорын орлогч  асан Г.Эрдэнэбат нарт холбогдох Эрүүгийн  хэргийн давж заалдах шатны шүүх хурал болж шийдвэрээ танилцуулав.  Шүүхээс Ж.Мөнхгалд гурван жилийн хорих ял, С.Баярт гурван жилийн хорих ял, Б.Хурцад гурван жилийн хорих ял, Э.Өлзийбаярт нэг жилийн хорих ял, Г.Эрдэнэбатад гурван жилийн хорих ял, О.Бямбажавд хоёр жилийн хорих ял, Ү.Отгонбаярт хоёр жилийн хорих ял оноож, О.Бархасбадь, С.Эрдэнэбат нарыг цагаатгах шийдвэр гаргасныг шүүгдэгч нар эсэргүүцэн давж заалдах шатны шүүхэд хандсан байдаг.

Тэгвэл давж заалдах шатны шүүх Б.Хурц нарт холбогдох хэргийн анхан шатны шүүхийн шийдвэрийг хүчингүй болгож, буцаалаа. Ингэснээр хэргийг  дахин хэлэлцэхээр болж байна. Б.Хурц нарын зургаан албан тушаалтан С.Зоригийн аллагын гүйцэтгэгч хэмээн яллагдсан Т.Чимгээ Б.Содномдаржаа нарыг эрүүдэн шүүсэн хэрэгт буруутгагдаж буй. 

 

Д.Дамба-Очирын ялыг хэвээр үлдээв

 

Мөн Нийслэлийн эрүүгийн хэргийн давж заалдах шатны шүүхэд УИХ-ын гишүүн асан Д.Дамба-Очирт холбогдох хэргийн шүүх хуралдаан болж түүнд ногдуулсан ялыг хэвээр үлдээв.   Өмнө нь УИХ-ын гишүүн асан Д.Дамба-Очирт 3.6 жилийн хорих ял оноож, нийтийн албанд томилогдох эрхийг зургаан жил хүртэл хугацаагаар хассан юм.  Д.Дамба-Очирыг УИХ-ын гишүүн байхдаа Жижиг, дунд үйлдвэрлэлийг хөгжүүлэх сан /ЖДҮХС/-гаас “Сапфир стоун” ХХК-д 1.2 тэрбум төгрөгийн зээл авахад нь нөлөөлсөн үндэслэлээр буруутгасан юм. Мөн тэрээр шүүх хурлын явцад  нэг тэрбум 296 сая 979 мянга 524 төгрөгийг зээлийн санд төлсөн байна.

 

Эх сурвалж: “Зууны мэдээ” сонин

2020.11.2 ДАВАА № 211 (6436)

 

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

5 цаг 45 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

6 цаг 12 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

6 цаг 15 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

6 цаг 18 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

6 цаг 22 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

6 цаг 39 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

12 цаг 47 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

12 цаг 52 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

12 цаг 58 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

13 цаг 8 мин