Д.АРИУН

Оросын нэрт яруу найрагч Александр Пушкиний удмын хүн болох Галина Усова Тамбов мужид 82 настайдаа таалал төгссөн байна. Тэрээр 1938 онд Архангельскт төрсөн.  Түүний  элэнц эмээ Наталья Воронцова-Веляминова нь Александр Сергеевич Пушкиний удмын хүн байсан аж.  

Галина Северяновна Усова нь Тамбов мужийн Мичуринскийн Хөдөө аж ахуйн их сургуульд олон жил багшилсан, хөдөө аж ахуйн ухааны доктор, профессор хүн байсан гэдгийг сургуулийн цахим хуудаст нийтэлсэн эмгэнэлд дурдсан байна.

 Галина Усова энэ сургуультай холбогдсон түүх нь өвөрмөц. Дунд сургуулийн сурагч байхдаа нэрт эрдэмтэн Мичуринийг шүтэн биширч, улмаар  түүний нэрэмжит сургуульд суралцахаар шийдсэн байна. Элсэлтийн шалгалтаа амжилттай өгч, тухайн үеийн нэршлээр Жимс, хүнсний ногооны институтэд элссэн нь өдгөөгийн Мичуринскийн Хөдөө аж ахуйн их сургууль аж.  Их сургуулийн мэдээлэлд тэмдэглэснээр, агуу  яруу найрагчийн зээнцэр охины хувь заяа Мичуринсктай нягт холбоотой байсан бөгөөд тэрээр энэ сургуульдаа багшилж, улмаар эрдэм шинжилгээний ажил хийж, Тамбов мужийн Улаан номыг эмхэтгэн гаргахад  оролцож, амьдралынхаа сүүлчийн өдрүүдийг хүртэл энэ ажлаа хийжээ.

Эх сурвалж: www.polit.mn