Л.Хэрлэн
Монгол Улсын хэмжээнд Орон нутгийн сонгууль болж байгаатай холбогдуулан архи согтууруулах ундаа худалдан борлуулахгүй байх холбогдох байгууллагуудын тогтоол, захирамжийг хэрэгжүүлж байна. Гэтэл МАН-аас хөдөө орон нутагт нэр дэвшигчид захаасаа архидан согтуурч, зарим нь хүний аминд хүрсэн хэрэг Өмнөговь аймагт гарсан.
Тэгвэл Дундговь аймгийн Сайнцагаан сумын Засаг дарга, аймгийн ИТХ-д нэр дэвшигч Р.Мөнхтогтохын албан өрөөнд хавтгайрсан архидалт газар авчээ. Архины эсрэг хууль энэ суманд хэрэгжихгүй гэсэн дүрэм, журам гарчихсан уу гэж гайхмаар. МАН-аас нэр дэвшиж буй аймгийн орлогч дарга дарга Ж.Мөнхчулуун, Сайнцагаан сумын Засаг дарга Р.Мөнхтогтох, Дэлгэрцогт сумын Засаг дарга П.Цолмонбаатар,Гурвансайхан суманд нэр дэвшигч н.Адъяабаатар,Сайнцагаан суманд ИТХ д нэр дэвшигч О.Баярсайхан гэх залуусын архидаж найрлаж буй бичлэгүүд аймгийнх нь цахим хуудсуудад цацагдаад байна. Энэ хүмүүс бүгд төрийн албаныхан. Гэтэл төлөвшөөгүй гэдэг нь бичлэгээс нь илт. Аймгийн ИТХ-д нэр дэвшиж байгаа хүмүүс ийм байж болох уу. Тэднийг дэмжих нь зөв үү. Энэ хөгжил үү, мөхөл үү гэдгийг сайнцагаанчууд бодох цаг болжээ.
Эх сурвалж:www.polit.mn