• Зууны мэдээ сонин онлайн захиалга

Витамин Д коронавируст яаж нөлөөлдөг вэ?

2020-10-12 08:05

З.БАТЦЭЦЭГ

Оросын эмч, хөтлөгч Сергей Малоземов “Спутник” радиод өгсөн ярилцлагадаа витамин Д болон COVID-19 хоёрын холбоог тайлбарлалаа. Түүний хэлснээр бол намрын коронавирусын дэгдэлт витамин Д дутагдсанаас үүссэн байж болзошгүй гэв. Тэрээр “Витамин Д дутагдал шууд вируст өртөх шалтгаан болохгүй ч, дархлааг дэмжиж, коронавирусээс хамгаалахад тусалдаг. Витамин Д дутагдалгүй хүн халдвар авсан ч эсэргүүцэх чадвар сайтай байдаг” гэсэн байна. Мэргэжилтэн бас загас, далайн гаралтай бүтээгдэхүүн витамин Д ихээр агуулдаг гэдгийг сануулсан байна. Өмнө нь Бостоны Анагаах Ухааны Их Сургуулийн судлаачдын олж илрүүлснээр витамин Д хэвийн нормдоо байгаа хүмүүс коронавирус хүндрэх, улмаас үхэлд хүргэх нь харьцангуй цөөн байна гэж мэдэгдэж байсан юм.

Эх сурвалж: lenta.ru

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ