Х.ОЮУНБОЛД

Ираны олон шүтэн бишрэгч Азийн хөлбөмбөгийн холбооноос “Персеполис” багийн довтлогч Иса Алкасирыг Узбекийн багтай хийсэн тоглолтын үеэр арьс өнгөөр ялгаварласан маягаар гоол оруулсан гэж үзэж тэмцээнд тоглох эрхийг нь зургаан сараар хассан шийдвэрт дургүйцэж байгаагаа илэрхийлжээ. 30 настай тоглогчийг 10.000 ам доллараар торгосон байна.  Доха хотод өнгөрсөн сарын 30-нд Узбекистаны “Пактахор” багтай  Азийн аваргын лигийн финалын дөрөв дэх тоглолтын үеэр хоёр гоол оруулсан Алкасир хуруугаа  шанааныхаа тэнд аваачиж сөлөр нүдийг нь дүрслэн үзүүлжээ. Холбооноос үүнийг нь  ёс суртахуун,сахилгын дүрмийн 58.1 заалтыг зөрчсөн үйлдэл гэж үзэж арьс өнгө, хэл, угсаа гарлаар нь ялгаварлан гадуурхсан үйлдэл, үгээр багийнхан, нэг тоглогчийн  нэр хүндийг гутаасан бүхнийг шийтгэнэ гэж мэдэгджээ.  Харин хөлбөмбөгийн шүтэн бишрэгчид шийдвэрийг нь шударга бус гэж үзсэн байна. Мөн тоглогч энэ үйлдлийг Ираны үндэсний лигийн тоглолтын үеэр зээдээ зориулж хийж байсныг сануулжээ. Хууль тогтоогч Ахмад Надери Ираны парламент энэ асуудалд оролцоно гэж мэдэгдсэн байна. Ираны хөлбөмбөгийн клуб ямар нэгэн арьс өнгөөр ялгаварласан үйлдлийг буруушаадаг. Гэхдээ бүх баг, тоглогчдод адилхан хандахыг Азийн хөлбөмбөгийн  холбооноос хүссэн байна. Түүнд оноосон шийтгэлийг  Азийн аваргын лигийн хагас финалын тоглолт  эхлэхээс хэдэн цагийн өмнө Саудын Арабын “Аль Насар” багтай Ираны баг тоглохоос өмнө мэдэгджээ.

Эх сурвалж: www.polit.mn