Үндэсний номын баяр хоёр өдөр үргэлжилнэ

2020-09-18
Нийтэлсэн: Админ
 3 мин унших

П.ХҮСЛЭНТУЯА

Унших дуртай номын зохиолчоосоо хямдралтай, гарын үсэгтэй номыг нь авах хамгийн сайхан боломж юм. Жил бүрийн есдүгээр сарын 18-20 бол үндэсний номын баярын өдөр билээ. Энэ жилийн номын баяр өмнөх жилүүдээсээ өргөн дэлгэр болж байгаа харагдана. Чингисийн талбайг тойруулан  олон асар барьсан ч олон байгууллага оролцож чадаагүй гэдгийг зохион байгуулагчид хэлж байлаа. Үүнээс үзвэл үндэсний номын баяр утга агуулга, цар хүрээгээ хэр их тэлсэн нь мэдэгдэж байв. Өдөрлөгт ороцож буй “Аз Хур” компани номын баярт зориулж бүх номоо 20 хувийн хямдралтай худалдаалж байгаа ажээ. Тус компани саяхан номын АТМ  нэвтрүүлж уншигчиддаа бэлэг барьсан юм. Захиалгын менежер Т.Болорчимэг “Манайх хүүхдийн болон нийтийн, хувь хүний хөгжлийн номоо авчирч борлуулж байгаа. Уншигчид маань энэ өдөрлөгт ирснээр хүссэн номоо хямд үнээр авах боломжтой. Эцэг эхчүүд өөрсдөдөө биш хүүхдэдээ ном авдаг учир хамгийн эрэлттэй нь хүүхдийн ном байгаа” гэсэн юм.

Энэ өдөр хуучин ном худалдаалдаг иргэд, томоохон номын дэлгүүрээс гадна цахимаар ном түгээдэг байгууллага, гар утасны аппликейшнг үүсгэн байгуулагчид хүртэл ирсэн байлаа. Мөн эсгий, давуугаар урласан номын хавчуурга, зурагт ном хийж зардаг аж ахуйн нэгжүүд оролцож байгааг харахад номын өдөрлөг хэр үр өгөөжтэй болох нь харагдлаа. Зохиолч Гүүгэлийн Соёлгэрэл “2016 оноос энэ баярт оролцож байна. Анх зохиолч, уншигчдын уулзалт хэлбэрээр зохион байгуулагдаж байсан бол жил ирэх тусам номын баяр маань өргөжин тэлж зөвхөн ном худалдаж авах бус иргэдэд давхар танин мэдэхүйн мэдлэг мэдээлэл олгох зорилготой болсон нь онцлог санагдаж байна. Үүнээс үзвэл номын баяр маань цагаан сар, наадам шиг монголчуудын уламжлалт баярын хэмжээнд очихоор дархлаатай болсон гэж бодож байна” гэлээ. Зохиолчын хувьд “Өстний өвөрт”, “Рекет” гэсэн адал явдалт, хайр дурлалын номоо шинээр гаргажээ.

Хүмүүсийн хэрэглээг илүү амар хялбар болгож мэдлэгийг хүртээмжтэй түгээж чадах хэрэгсэл бол цахим ном, гар утасны аппликейшн. “еsan”-ийн харилцагчийн менежер Э.Оюун-Эрдэнэ “Зөвхөн цаасан ном гэхгүйгээр цахим ном түгээдэг байгууллагууд ч гэсэн ирж оролцож байгаад баяртай байна. Манай байгууллагын хувьд анх удаа оролцож байна. Иргэдийн оюуны хэрэгцээг хангах зорилготой үйл ажиллагаа явуулдаг. Цаасаар хэвлэгдэхгүй болчихсон номыг “esan”-аас аваад унших боломжтой” гэв. Одоогоор 6000 гаруй бүтээлийг байршуулсан байгаа ажээ. Эдгээр бүтээлийг еsan.mn  гэж орж ном уншихаас гадна утсан дээрээ аппликейшн хэлбэрээр суулгаад хаанаас ч ашиглах боломжтой юм байна.

Зохион байгуулагчдын хэлж буйгаар цар тахлын улмаас ихэнх үзвэр үйлчигээний газар хаалттай, иргэд хэдэн сарыг гэртээ өнгөрөөсөн. Тиймээс энэ жилийн номын баяр аль аль талдаа их хүлээлт үүсгэсэн. Тиймдээ ч эхлэх цагаас нь өмнө олон хүн талбай дээр цугласан байсан гэв. Нөгөө талаас иргэд маань ном их уншдаг болсон нь мэдрэгдэж байна хэмээн онцолсон юм.  

Өдөрлөгт оролцогч “Үндэсний номын баярт гурав дахь жилдээ ирж байна. Энэ жил их өргөн цар хүрээтэй болж байна. Өмнөх жилүүдэд талбай дүүрэн асар барьдаггүй байсан. Номын баярт ирээд хүссэн номоо хямдралтай үнээр авах давуу талтай юм шиг санагддаг. Тиймээс энд ирж номын сангаа баяжуулдаг” хэмээв. Чингисийн талбайд ирсэн хүн бүр зөвхөн ном худалдаж авах биш гэр бүл, анги хамт олноороо цагийг үр бүтээлтэй өнгөрүүлж байлаа. Үндэсний номын баяр хоёр өдөр үргэлжлэх бөгөөд дуртай зохиолчтойгоо уулзангаа зурагаа даруулж, танин мэдэхүйн мэдээлэлтэй болохоос гадна тэвэр дүүрэн номтой харих боломжийг танд олгож байгаа юм.

Эх сурвалж: www.polit.mn

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

9 цаг 28 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

9 цаг 55 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

9 цаг 58 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

10 цаг 1 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

10 цаг 5 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

10 цаг 22 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

16 цаг 30 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

16 цаг 35 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

16 цаг 41 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

16 цаг 51 мин