С.САРУУЛ

Хоёр настнууд ирэх даваа гаригаас цэцэрлэгт явж эхэлнэ. Тэгвэл цар тахлын  өндөржүүлсэн бэлэн байдалд  хэрэгжиж буй түр журмын нэг бүлэгт байх хүүхдийн тоо болон хоорондын зайг тогтоож өгчээ. Цэцэрлэгүүд журмын дагуу анги танхимын бололцоо нөхцөл байдлаа үнэлэн хоёр настай хэдэн хүүхэд хүлээж авах зохицуулалтаа өөрсдөө гаргана. Мөн  улирлын ханиад томуугийн дэгдэлт эхэлж байгаа учраас нь цэцэрлэг дээр ханиад томуутай эсвэл халуурсан зэрэг шинж тэмдэгтэй хүүхдийг хүлээж авахгүй байхаар зохицуулсан байна. Түүнчлэн зөвхөн хүүхдийн аюулгүй байдлыг хангасан Хүүхэд харах үйлчилгээний төвүүдэд л хоёр настай хүүхдийг харах эрхийг нь өгнө гэдгийг Боловсрол шинжлэх ухааны яамнаас мэдэгдлээ. Тиймээс хүүхдэдээ амны хаалт зүүлгэж дулаан хувцаслаж, дархлааг нь дэмжихийг анхаарууллаа.

Эх сурвалж: www.polit..mn