“Засагт хан”-ы харваач С.Анхмандах

2020-09-02
Нийтэлсэн: Админ
 3 мин унших

Б.ОЮУНЗУЛ

 

Залуусын тэр бүр сонирхоод байдаггүй сур харваан спортоор хичээллэдэг. Говь-Алтай аймгийн “Засагт хан” клубын харваач Спортын мастер С.Анхмандахыг онцоллоо.

 

С.Анхмандах нь МУИС-ийн гуравдугаар курсын оюутан. Сэргээгдэх эрчим хүчний ангид суралцдаг.  Тэрээр анх 15 настайдаа сур харваж эхэлсэн байна. Анх тэрээр буудлагын спортыг сонирхож байсан ч сүүлдээ монгол уламжлалаа бодоод нум сумаар харвахыг илүү их сонирхож суралцаж эхэлсэн байна. Одоо энэ спортоор хичээллээд таван жил болж байгаа бөгөөд энэ хугацаандаа чамлахааргүй их амжилт гаргаж спортын мастер болжээ. Түүнийг энэ спортод ороход нь угтаж авсан анхны багш нь Монгол Улсын хүндэт мэргэн харваач Т.Батмөнх юм. С.Анхмандах багшаасаа анх нум сум эвшээлгэж сурсан бөгөөд анхны багштайгаа нэг жил хичээллэж түүний дараагаар Б.Дашцэвэг багшдаа шавиар орсон байна. Харваа нь дотроо халх сур, урианхай сур, буриад сур гэсэн гурван төрөл байдаг. Эдгээр гурван харваа нь сумны жингээрээ хоорондоо ялгаатай байдаг аж. С.Анхмандах анх халх харваагаар харваж сурсан учраас энэ төрлөөр түлхүү хичээллэдэг байна. Цаашдаа тэрээр урианхай харваагаар хичээллэх зорилготой байгаа гэв. Учир нь урианхай харваа нь эр хүний тэсвэр тэвчээрийг их шаарддаг гэнэ. Урианхай харваа нь өвлийн улиралд мөсөн дээр харваж зуны улирал газар дээр харвадагаараа нөгөө хоёроосоо эрс ялгаатай юм байна. Мөн урианхай харваагаар зөвхөн эрэгтэйчүүд л хичээллэдэг юм байна. Сур харваа бол нэг ёсондоо тэсвэр тэвчээрийн спорт аж. Мөн тухайн харваачаас их мэдрэмж шаарддаг. Монгол хүмүүс ямар ч зүйлийг байгаль дэлхийтэйгээ холбоотойгоор хийдэг. Тухайн харваач салхины хурд, зогсож буй байрлал гээд бүхэл зүйлээ өөрөө мэдэрч байгальдаа уусаж байж нарийн тооцож байж харвадаг гэж С.Анхмандах хэлсэн юм. Энэ спортоор анх хичээллэхэд түүнд тийм ч хүндрэлтэй байгаагүй гэв. Эвсэл шаарддаг спорт тул өөрөө л хичээл зүтгэлтэй байвал хүнд хэцүү гэж шантрах зүйл бага. Хүмүүс нум сумаар харвахад гарандаа хүчтэй байх ёстой гэж ойлгодог. Энэ нь буруу ойлголт хүчтэй хүмүүс ирээд нумаа эвшээлгэж чаддаггүй бөх ч дийлэхгүй байх тохиолдол бий. Тиймээс энэ спорт бол цэвэр эв болон тэсвэр хатуужлын спорт. Наадмын талбайд гарсан харваачид хоёр цагт нэг удаа босож сумаа тавьдаг. Хүлээх хоёр цагийн хугацаандаа нумынхаа хувирал салхины хурд гээд бүх зүйлийг нарийн тооцож суудаг энэ бол тухайн харваачийн тэсвэр болон мэдрэмж юм. С.Анхмандах 2016 оноос хойш Б.Дашцэвэг багштайгаа өнөөдрийг хүртэл хичээллэж байгаа. Түүний амжилтын гараа 2016 онд  эхэлсэн гэж хэлж болно.

Сумынхаа тэмцээнд анх оролцоод сумын мэргэн цол хүртсэн бөгөөд түүний дараа 2017 оны хавар анх удаа улсын тэмцээнд орж тавдугаар байранд шалгарч байжээ. Түүнээс хойш болсон уралдаан тэмцээн бүрд оролцож тэргүүн болон дэд байруудад шалгарсан байна. 2018 оны Улсын аваргаар Хэнтий аймагт очиж дөрвөн өдрийн турш өрсөлдөж 75 метрийн зайд харваж 29 бай онож нэгдүгээр зэргийн эзэн болсон байна. Нийт 40 сум тавьснаас 29-ийг нь амжилттай харвасан. Тэрээр 18 настайдаа отго харваагаар 30 бай онож спортын дэд мастер болж байжээ. Мөн тэрээр улсын аварга шалгаруулах тэмцээнд орж 34 бай онож спортын мастерын болзол хангасан байна. Түүний хамгийн их хайрлаж хүндэлж явдаг харваач нь түүний багш Б.Дашцэвэг ажээ. Тэрээр багшаасаа суралцахаас гадна түүн шиг улсын мэргэн болохыг хүсдэг гэж байлаа.

Эх сурвалж: “Зууны мэдээ” сонин

2020.9.2 ЛХАГВА № 169 (6394)

 

Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

12 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

39 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

42 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

45 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

49 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

1 цаг 6 мин
Г.Дэнзэн: Алдагдсан найман жилийн алдааг засах хөтөлбөр боловсрууллаа

АН-ын Стратеги бодлого, сургалт, судалгааны газрын дарга, 2024 оны УИХ-ын сонгуульд АН-аас дэвшүүлэх мөрийн хөтөлбөр боловсруулах ажлын хэсгийг ахалж ажилласан Г.Дэнзэнтэй Үндэсний аудитын газарт намынхаа мөрийн хөтөлбөрийг хүлээлгэн өгөх үеэр уулзаж ярилцсан юм.

7 цаг 14 мин
Энэтхэгийн сонгууль хамгийн өндөр өртөгтэй

Дэлхийн хамгийн олон хүн амтай Энэтхэг улс ирэх таван жилд улс орноо удирдах удирдагчдыг сонгохоор бэлтгэж байна. Тиймээс ч ирэх дөрөвдүгээр сарын 19-нөөс зургаадугаар сарын 1-нийг хүртэл үргэлжлэх парламентын сонгууль энэ улсын хувьд нүсэр ажил байх нь ойлгомжтой.

7 цаг 19 мин
Эрүүл мэндийн салбарыг цахимжуулах төсөл хэрэгжүүлсэн компанийг АТГ-т шалгуулна

Засгийн газрын өчигдрийн хуралдаанаас гаргасан шийдвэрийн талаар Эрүүл мэндийн сайд С.Чинзориг, Цахим, хөгжил харилцаа холбооны сайд Н.Учрал нар мэдээлэл хийлээ. Сайд нарын байр суурийг хүргэе.

7 цаг 25 мин
МАН-ын эмэгтэй нэр дэвшигчдийг Х.Булгантуяа, АН-ынхыг С.Одонтуяа өнгөлөх үү?

...Тэгэхээр нам, намын лидер эмэгтэйчүүд жагсаалтад “жагсаад” орж ирэхээр болж байгаа юм. Энэ боломж дээр хэн хэн гэдэг эмэгтэй улстөрчид “тоглох” вэ. Энэ бас сонин.

7 цаг 35 мин