Б.ДОЛЖИНЖАВ

Хоёрхон сарын дараа буюу арваннэгдүгээр сарын 3-нд дэлхийн хамгийн хүчирхэг гүрэн АНУ-ын ерөнхийлөгчийн сонгууль болно. Энэ сонгуульд Бүгд найрамдах намаас нэр дэвшиж байгаа АНУ-ын одоогийн ерөнхийлөгч Дональд Трампын тухай 10 баримтыг хүргэж байна.

1.Трамп 1946 оны зургадугаар сарын 14-нд Нью Йорк хотын Queens дүүргийн Жамайка эмнэлэгт төрсөн. Одоо 74 настай.

2.Ээж аав нь Германы цагаачид бөгөөд ээж нь Шотландад төрсөн. Аав нь түүнийг 15 настай байхад үл хөдлөх хөрөнгийн бизнесээ эхлүүлсэн. 1918 оны  Испанийн томуугаар нас баржээ.

3.Гурван эхнэрээс таван хүүхэдтэй. Анхны эхнэр Чехийн загвар өмсөгч Ивана Зелниковатай 1977 онд гэрлэж 1992 онд салсан. Тэд Иванка, Эрик, Бага Дональд гэсэн гурван хүүхэд, 10 ач, зээтэй.  Дараа нь 1993 онд АНУ-ын жүжигчин Марла Мэйплзтэй гэрлэж Тиффани гэсэн нэг охинтой болсон. Тэд 1999 онд салсан.

4.Одоогийн эхнэр Словенийн загвар өмсөгч Мелина Кнаусстай 2005 онд гэрлэсэн. Тэдний хүү Бэйрон 2006 онд төрсөн. Трампаас 24 насаар дүү Мелина 2006 онд АНУ-ын иргэн болсон.

5.Трамп 13 настайдаа Нью Йоркын Цэргийн академид элссэн. Пенсильванийн Вартон их сургуулийн эдийн засагчийн ангийг төгссөн.

6.Тэрээр 1968 онд их сургуулиа төгсөөд аавынхаа компанид ажиллаж эхэлсэн байдаг. Тэгээд 1971 онд аавынхаа үл хөдлөх хөрөнгийн бизнесийг өвлөж “Трамп” сангаа байгуулж зочид буудал, казино, өндөр барилгууд барьж үйл ажиллагааг нь өргөжүүлсэн.

 7.Түүний орлого “Forbes”-ийн тооцоолсноор энэ оны дөрөвдүгээр сарын байдлаар 2.1 тэрбум ам.доллар байна. Тэрээр АНУ-ын түүхэн дэх анхны тэрбумтан ерөнхийлөгч, хамгийн баян улс  төрчдийн нэг юм.

8.Бүгд найрамдах намын гишүүн тэрээр 2001-2009 онд Ардчилсан намын гишүүнчлэлтэй байсан удаатай. Мөн 2016 оны сонгуульд Ардчилсан намаас нэр дэвшсэн Хиллари Клинтонтой өрсөлдөж 30 мужид ялж, ерөнхийлөгч болсон.

9.Телевизийн “The Apprentice” реалити шоуг санаачлан 2003-2015 онд хөтлөгчөөр ажиллаж байсан.  Мөн 2004-2008 нод “Trumped” гэсэн ажлын өдрүүдэд 1-2 минут үргэлжилдэг богино хэмжээний радио нэвтрүүлэг цацаж байв.

10.Түүний 1987 онд гаргасан анхны ном “The Art of the Deal” нь Нью Йорк Таймсийн шилдэг борлуулалттай номын жагсаалтыг 48 долоо хоног тэргүүлсэн.

Эх сурвалж:www.polit.mn