Б.ОД
УИХ-ын гишүүн асан Д.Эрдэнэбат нарын долоон хүнд холбогдох хэргийн шүүх хурал Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн танхимд энэ сарын 17-нд эхэлсэн. Өнөөдөр тав дахь өдрөө үргэлжиллээ. Гэвч шүүгдэгч Б.Минжбадамын биеийн эрүүл мэндийн байдалтай холбоотой хүндэтгэн үзэх шалтгааны улмаас шүүх хуралдааныг завсарлуулж, даваа гаригийн 09:00 цагт үргэлжлүүлэн хэлэлцэхээр шийдвэрлэлээ. Нийслэлийн прокурорын газраас яллах дүгнэлт үйлдэж ирүүлсэн шүүгдэгч Д.Эрдэнэбат, Б.Болор, Н.Золжаргал, Д.Ганбат, Д.Доржханд, Б.Минжбадам, Л.Санжаадорж нарын долоон хүнд холбогдох нийт 187 хавтас бүхий эрүүгийн хэргийг Сүхбаатар дүүргийн эрүүгийн хэргийн анхан шатны шүүх энэ оны дөрөвдүгээр сарын 08-ны өдөр хүлээн авсан юм.
Эх сурвалж:www.polit.mn