Т.САЙХАН
УИХ-ын ээлжит бус чуулганы өнөөдрийн хуралдаан 54.7 хувийн ирцтэйгээр эхэллээ. Хэлэлцэх асуудлын дараалалтай холбоотойгоор АН-ын бүлэг завсарлага авах асуудлаар санал хэллээ.
УИХ дахь АН-ын бүлгийн дарга Д.Ганбат "Засаг захиргаа нутаг дэвсгэрийн тухай хууль реформын шинж чанартай хууль. СЕХ орон нутгийн сонгуулийг зарлаж, олон хүн төрийн албанаас чөлөөлөгдсөн байгаа. Энэ хууль орон нутгийн сонгуультай давхцаж байгаа нь хүмүүсийг төөрөгдөлд оруулж байна. Тиймээс энэ хуулийг намрын чуулганаар нягт нямбай хэлэлцэж, олон түмэнд хүргэх нь зүйтэй. Уг хуулийн төсөл батлагдвал дагалдах тав орчим хуулийн төслийн бэлтгэл хангагдаагүй байгаа учраас орон нутгийн сонгуулийн дараа хэлэлцэх нь зүйтэй гэж УИХ дахь АН-ын бүлэг үзэж байна. Иймд хуулийн төсөл болон дагалдах хуулийн төслийг хэлэлцэхтэй холбоотойгоор тав хоногийн завсарлага авч байна"гэв.
Ийнхүү уг хуулийн төслөөр АН-ын бүлэг завсарлага авсан тул хэлэлцэхийг хойшлууллаа. Бүлгийн дарга нар санал солилцож, завсарлага авах асуудлыг дахин нэг удаа сунгах боломжтой юм.
Эх сурвалж:www.polit.mn