Н.Энхбаяр:Сонгуулийг  будлиулах нь улс оронд ноцтой  аюул учруулна

2020-08-20
Нийтэлсэн: Админ
 3 мин унших

Ч.ЗОТОЛ 

Ардын намаас бусад  улс төрийн хүчин, тэр дотроо нийт сонгогчдын дийлэнх олонх буюу 1.8 сая хүний санал авсан намуудын төлөөлөл нэгдэж УИХ-ын ээлжит сонгууль луйвар болсон тул  дахин санал хураалт явуулахыг шаардаж Ерөнхийлөгчид өргөх бичиг барилаа.  Хэвлэлийн хуралд МАХН-ын дарга, “Та бидний эвсэл”-ийн тэргүүн Н.Энхбаярын  хэлсэн үгийг бүрэн эхээр нь хүргэж байна.

Тэрээр  “Зун өнгөрч намар болж байна. УИХ-ын ээлжит бус чуулган эхэлж ард түмэн төрийн ажилд анхаарлаа хандууллаа. Энэ хооронд бид зүгээр суусангүй. 2020 оны УИХ-ын  ээлжит  сонгуулийн талаар сайтар судалсан. Урьдчилсан байдлаар луйврын сонгууль боллоо гэдгийг  тухайн үед  нь мэдэгдэж, мэдээлэл хүргэж байсан. Үүний дараа энэ талаар зөвхөн улс төрийн намуудын байр сууриас ярих хэрэггүй гэж үзэж хамтарсан Ажлын хэсэг байгуулан ажилласан юм. Ажлын хэсгүүд маш ноцтой зөрчлүүдийг ил болгосон. Иймд бид үүнийг  өргөх бичгийн хамт хавсралт болгон Монгол Улсын Ерөнхийлөгчид өргөн барьж байна.

Та бүхэн бодоод үз. Сонгуулийн тухай хуулийн тодорхой зүйл заалтуудад “Сонгуулийн саналын хуудас тусгай нууцлалтай байна” гэж заасан байдаг. Яагаад тусгай нууцлалтай байх ёстой вэ гэвэл, тэр хуудсыг сольж, өөрчилж болдоггүй, нэг ёсны үнэт цаас гэж үздэг учраас тусгай нууцлалтай байдаг. Өмнөх сонгуулиуд ийм байсан. Энэ удаагийн сонгуулиар  хуульдаа саналын хуудас тусгай нууцлалтай байна гэчихээд зүгээр канондчихдаг, ямар ч нууцлалгүй цаасан дээр санал хураалт явуулсан. Хуруун дээр  тэмдэглэгээ хийдэг байсныг больсон. Олон айл дээр хамт амьдардаггүй хүмүүсийг нэмж бүртгэсэн. Таван давхар байшинг долоон давхар болгож, дээр нь хоёр давхар нэмээд тэнд хүмүүс амьдардаг мэтээр бүртгэлжүүлж бичсэн байна. Гэр хороололд огт байдаггүй гудамжийг нэмж, тэнд хүмүүс амьдардаг мэтээр бичсэн байна.

Ийм ноцтой зөрчлүүд тогтоогдсон. Шалгалтаар батлагдсан тул бид улсын прокурорт хандан гомдол гаргасан. Энэ бол төрийн эсрэг гэмт хэрэг, төрийн эрхийг хууль бусаар булааж авах  ноцтой үйл ажиллагаа гэж үзэж тагнуулын байгууллага шалгалт хийж байгаа. Харамсалтай нь хууль хүчний байгууллага эрх баригчдад үйлчлэх, эсвэл тэднйи алдаа дутагдлыг илрүүлж ажиллавал талхнаасаа, хоолноосоо, цолноосоо, байрнаасаа, цалингаасаа салчих гээд байна гэж болож байгаа бололтой их удаан ажиллаж байна. Тиймээс  АН, МАХН, ШИНЭН, бие даагчид хамтран энэ ажлыг эрчимжүүлэхийг шаардаж,  Монгол Улсын Ерөнхийлөгчид өргөх бичиг барьж байгаа юм.

Та бүхэн дэлхийн мэдээллийг сонирхон үздэг байх. Бид ч бас интернэтээр мэдээллүүдийг харж байна. Өнөөдөр Беларуст юу болж байна вэ. Нэг дарангуйлагч сонгуулийг будлиулж, ард түмэн нь сонгох эрхээ эдэлнэ хэмээснээр тэр дарангуйлагч унах нь тодорхой болчихсон байна. Тэнд нэг дарангуйлагч нөхөр, ийм нам ард түмнээ хавчиж,  эрхийг нь эдлүүлэхгүй байна. Тэрийг гадна байгаа аль нэг улс, сонирхогч этгээдүүд ашигладаг, нутаг дэвсгэрийнх  нь бүрэн бүтэн байдал, тусгаар тогтнол  нь алдагддаг. Ийм аюултай байдаг. Тэгэхээр дарангуйлагч нам, дарангуйлагч хүн сонгууль будлиулах нь улс орны тусгаар тогтнолд аюул учруулж байгаа хамгийн ноцтой аюул занал гэж бид үзэж байна. Тиймээс АН ардчиллын төлөө тэмцэж байгаа ч ганцаардаж байна. МАХН бас тэмцэж байна, бас ганцаардаж байна. Бие даагчид болон ШИНЭ намынхан тэмцээд мөн ганцаардаж байгаа. Бид тус тусдаа тэмцжээд ганцаардах учраас нэгдэх нь зүйтэй. МАН-ын дарангуйллын эсрэг ардчилал, шударга ёсны төлөө эрүүл саруулаар бодож сэтгэж байгаа, улс орныхоо тусгаар тогтнол, ирээдүйн төлөө зүтгэх ёстой гэж үзэж буй бүх улс төрийн хүчин хамтарч шударга бус сонгуулийн луйвар булхайг илчилж, тэмцэхийг уриалж байна”  хэмээн байр сууриа илэрхийллээ. 

ЭХ СУРВАЛЖ:POLIT.MN

Гал зогсоох тогтоол, улс орнуудын сэрэмжлүүлэг, экс Ерөнхий сайдын дуулиан өрнөсөн долоо хоног

Энэ долоо хоногт дэлхий дахинаа болсон үйл явдлын нэг нь Газын зурвастай холбоотойгоор НҮБ-ын Аюулгүйн зөвлөлөөс нэн даруй гал зогсоох тогтоолыг баталж чадлаа. Түүнчлэн өнгөрсөн баасан гарагт Москва хотноо болсон зэвсэгт халдлагын дараа улс орнууд ОХУ руу иргэдээ зорчихгүй байхыг анхааруулсаар байна.

1 цаг 19 мин
Сошиал орчинд ёс зүйтэй мэдээлэхийг уриаллаа

Бодит байдлыг сурвалжлан мэдээлэхдээ хэн нэгнийг ялгаварлан гадуурхаж, хэвшмэл ойлголтын золиос болгохгүй байх нь хэвлэл мэдээллийн мэргэжлийн ёс зүйн зарчим билээ. Иймд, хэвлэл мэдээллийн байгууллага, сэтгүүлчид жендэрийн тэгш эрхийг хангах чиглэлд манлайлж, хариуцлагаа дээшлүүлж ажиллах шаардлага сонгууль хаяанд ирсэн энэ үед чухал болоод байна. Хэвлэл мэдээллийн байгууллагуудаас ёс зүйтэй нийтлэл, нэвтрүүлэг түгээхийг уриалж байдаг “Хэвлэл мэдээллийн зөвлөл”, Их британи, Умард Ирландын Нэгдсэн Хаант улсаас Монгол Улсад суугаа Элчин сайдын яамтай хамтран “Хэвлэл мэдээлэлд эрх тэгш байдлыг бүрдүүлэх нь” сэдэвт симпозиумыг өчигдөр зохион байгуулав. 

1 цаг 29 мин
Газар, лицензийн “наймаа”-ны сонсголд бэлдэх ажлын хэсгүүд хуралдахгүй УИХ-ын дарга ууртай байна

Уг нь энэ УИХ “багц”-аараа маш том реформуудыг хийсэн юм. Үндсэн хуулийн томоохон өөрчлөлт, авлига, адбан тушаалын ашиглалт, гэмт хэргийн эсрэг олон хуулийг батлан гаргасан. Баргийн УИХ чадахааргүй улс төрийн “шийдвэр” л дээ.

1 цаг 34 мин
Протокол: Төрийн өмчит компани байгуулахгүй гэж хуульчлах нь Үндсэн хуулийн зөрчил болох уу

УИХ-ын чуулганы нэгдсэн хуралдаан өчигдөр 51.4 хувийн ирцтэйгээр эхэллээ. Хуралдааны эхэнд Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай хуулийн төслийг хэлэлцэх эсэхийг хэлэлцэв. Чуулганы нэгдсэн хуралдааны протоколыг хүргэж байна.

1 цаг 34 мин
Фото: Эрүүл мэндийн сэдэвт хэлэлцүүлэг боллоо

Фото: Эрүүл мэндийн сэдэвт хэлэлцүүлэг боллоо

16 цаг 31 мин
Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

Гурил, малын тэжээлийн үнийг гаалийн албан татвараас чөлөөлөх тухай хуулийн төслийг дэмжив

16 цаг 58 мин
Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

Ц.Даваасүрэн:Төрийн өмчит компани байгуулж болохгүй гэсэн хууль баталвал Үндсэн хууль зөрчинө

17 цаг 1 мин
М.Оюунчимэг: Эмийн салбарын монополь байдал олон ноцтой асуудал үүсгэж байна

М.Оюунчимэг: Эмийн салбарын монополь байдал олон ноцтой асуудал үүсгэж байна

17 цаг 4 мин
Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

Ерөнхий сайд Л.Оюун-Эрдэнэ НҮБ-ын тусгай элч Жан Тодт-той уулзлаа

17 цаг 8 мин
Олон эмэгтэйн краш, улстөрч С.Баярцогт

Олон эмэгтэйн краш, улстөрч С.Баярцогт

17 цаг 25 мин