С.САРУУЛ

Ардын хувьсгалын 99 жилийн ойн баяр наадмын хурдан морины уралдаан эхэллээ. Азарга насны морьдын уралдаан өнөө өглөө \2020.07.11\ 07:00 цагт  гарааны зурвасаас хөдөлсөн билээ.

Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадамд 104 хурдан азарга шандсаа сорьсноос түрүү азарга Төв аймгаас тодорлоо. Ингэснээр Төв аймгийнхан улсын их баяр наадамд азарган насанд 55 дахь түрүүгээ авч байна.

Түрүү магнайд:Төв аймгийн Баян сумын харьяат Б.Нямжавын хээр азарга

Аман хүзүүнд: Өвөрхангай аймгийн Хужирт сумын харьяат П.Батсайханы хээр азарга

Айргийн гуравт:Архангай аймгийн харьяат Д.Лхагвасүрэнгийн хар азарга

Айргийн дөрөвт:Өмнөговь аймгийн Ханбогд сумын харьяат Н.Амарбаясгалангийн хээр буурал

Айргийн тавд: Өмнөговь аймгийн Цогтцэций сумын харьяат Д.Бат-Эрдэнийн цавьдар азарга хурдаллаа.

Мөн Дорнод аймаг байгуулагдсаны 89  жилийн ойн баяр наадмын хурдан азарганы уралдаанд 57 хүлэг шандас шалгаж Булган аймгийн харьяат Алдарт уяач Д.Батсуурийн хонгор халзан түрүүлжээ. Мөн Хэрлэн сумын харьяат С.Ганбатын бор, тус сумын харьяат Н.Батпүрэвийн бор халзан, Халхгол сумын харьяат Алдарт уяач Б.Энхдолгионы хээр, Баянтүмэн сумын харьяат сумын Алдарт уяач М.Тогмидын хүрэн тус тус хурдаллаа. Өмнөговь аймаг үүсч хөгжсөний яруу алдарт 89 жилийн баяр наадмын азарганы уралдаанд тус  аймгийн 29 ажнай хүлэг уралдснаас Ханбогд сум О.Хоролсүрэнгийн Хээр түрүүллээ.

Эх сурвалж: www.polit.mn