С.САРУУЛ

Онцгой нөхцөл байдлаас шалтгаалж нийслэлчүүд маань цахимаар наадаж байна. Тэгвэл зурагтаар баяр наадмаа үзэж сонирхонгоо наадмын хуушуураа гэртээ хийж идэх жорыг та бүхэнд хүргэж байна.

Жор

 500 гр гурил

 300 гр татсан үхрийн мах

 300 мл бүлээн ус

 ½ Тал сонгино

 Давс, перец амталгаагаар

1. Бүх орцуудаа бэлтгэж тавина.
2. Махандаа жижиглэж хэрчсэн сонгиноо хийж, давс, перецээ нэмж сайтар базна. Махандаа ус хийх хэрэггүй. Ус хийхээр тосонд махны шүүс нь ороод тос үсэрдэг.
3. Амталсан махаа таглаад амраана.
4. Гурилаа бүлээн усаар зуурна.
5. Гурилаа уутанд хийгээд  1 цаг амраана. Уутанд хийхээр илүү хурдан эвлэж зөөлөн болно.
6. 1 цагийн дараа гурилаа сайтар нухаад таслана. Тасалсан гурилаа хуруугаараа дарж бага зэрэг нимгэлнэ
7. Махаа хийж чимхэнэ. Мах ихэдвэл бүлтэрч гарч ирэх гээд байдаг тул тааруулж хийгээрэй.
8. Чимхсэн хэсгийг доош нь харуулж бага зэргийн ургамлын  тос түрхэж гараараа зөөлөн дарж өгнө.Ингэснээр элдэхэд овойгоод байхгүй, илүү хялбар болно.
9. Мах нь гэрэлтээд ирвэл эргүүлээд зузаан байгаа хэсгээр нь элдээрэй.
10. Тосоо сайтар халсны дараа хуушуураа шарна. Нимгэн учраас түүхийрнэ гэж айлтгүй.
11. Хуушуур хайрахад удахгүй болохоор бүгдийг элдэж тавиад дараа нь нэг мөсөн шарвал илүү хурдан дуусна.

Хуушуурны тосыг салфетканд шингээж авна.

Эх сурвалж: www.polit.mn