Д.АРИУН

ОХУ-ын кинотеатрууд долдугаар сарын 15-наас нээгдэн ажиллаж эхэлнэ. Энэ талаар Ерөнхий сайдын орлогч Дмитрий Чернышенко  Засгийн газрын тэргүүн Михаил Мишустинтэй уулзахдаа өнгөрсөн долоо хоногт  мэдээлсэн. 

Дэлхий даяар дэгдээд байгаа коронавирусын тархалт ОХУ-д эрчимсэнтэй холбоотойгоор тогтоосон хорио цээрийн дэглэмийн хүрээнд тус улсын кино үзвэрийн газрууд гуравдугаар сарын 23-наас хаагдаад байсан юм.

Кинотеатруудын ассоциац өнгөрсөн долоо хоногт цар тахлын улмаас хүлээсэн хохирлын талаарх мэдээллээ зарласан.    Кино театруудын нийт шууд алдагдал нь  бокс оффисын дистрибьютер, продюсер компаниудын хувьцааны алдагдлыг тооцохгүйгээр  48 тэрбум рубль хүрэх төлөвтэй байгаа аж.

Эх сурвалж: www.polit.mn